ތައިރޮއިޑްގެ އާލާސްކަންފުޅެއްގައި ސިންގަޕޫރުގެ ހޮސްޕިޓަލެއްގައި އެޑްމިޓްކޮށް ދިން ފަރުވާތައް ނިމި މިއަދު ހޮސްޕިޓަލެއްގައި ރައީސުލްޖުމްހޫރިއްޔާ އިބްރާހިމް މުހައްމަދު ހޮސްޕިޓަލުން ދޫކޮށްލައިފިއެވެ.
ތައިރޮޑް އޮޕަރޭޝަނެއް ރައީސް ކުރައްވާފައި ވަނީ ހުކުރު ދުވަހު ހެނދުނު ސިންގަޕޫރުގައެވެ. އެއޮޕަރޭޝަން ކުރެއްވި ވަގުތު ރައީސުލްޖުމްހޫރިއްޔާގެ ޒިންމާތަކުން ދުރުވެ ވަޑައިގެން، ރައީސުލްޖުމްހޫރިއްޔާގެ ޒިންމާތައް ނައިބު ރައީސް ފައިސަލް ނަސީމާ ވެސް ހަވާލު ކުރެއްވެވިއެވެ.
ރައީސް ސޯލިހު މިއަދު ކުރެއްވި ޓްވީޓެއްގައި ވިދާޅުވީ އެމަނިކުފާނު މިއަދު ހޮސްޕިޓަލުން ދޫކޮށްލާފައިވާ ކަމަށެވެ. ހާލުކޮޅު ރަނގަޅު ކަމަށާއި ވަރަށް އަވަހަށް ރާއްޖެ ވަޑައިގެން މަސައްކަތަށް އެނބުރި ވަޑައިގަންނަވާނެ ކަމަށް ވެސް ރައީސް ވިދާޅުވިއެވެ.
އަޅުގަނޑަށް ހެޔޮ ދުއާ ކުރެއްވި އެންމެހާ ބޭފުޅުންނަށް އަދިވެސް އެއް ފަހަރު ވަރަށް ބޮޑަށް ޝުކުރިއްޔާ
ރައީސް ސޯލިހް ތައިރޮއިޑްގެ ފަރުވާއަކަށް ސިންގަޕޫރަށް ފުރާވަޑައިގެންނެވީ ފެބުރުއަރީ 23 ވަނަ ދުވަހު އެވެ.
