ބޭންކް އޮފް މޯލްޑިވްސް (ބީއެމްއެލް) އިން ހިންގާ "ބީއެމްއެލް ކޮމިއުނިޓީ ފަންޑު"ގެ ދަށުން ލ. ގަމާއި ބ. ކުޑަރިކިލުގައި ކުރިއަށްގެންދިޔަ ދެ މަޝްރޫއު ކާމިޔާބުކަމާއެކު ނިންމާލައިފިއެވެ.
ބީއެމްއެލްއިން މިއަދު ބުނީ މި ސްކޮލާޝިޕަކީ މިއަހަރުގެ ނޮވެމްބަރު މަހު ފާހަގަކުރާ އެކުންފުނީގެ 40 ވަނަ އަހަރީ ދުވަހާ ގުޅުވައިގެން ކޮންމެ މަހަކު ހިންގުމަށް ހަމަޖެހިފައިވާ މުޖުތަމައަށް ފައިދާހުރި ހަރަކާތްތަކުގެ ތެރެއިން ފުރަތަމަ ހަރަކާތް ކަމަށެވެ.
ސްކޮލާޝިޕްގެ ދަށުން ބޭންކިން އެންޑް ފައިނޭންސްގެ ރޮނގުން ފައިނޭންޝަލް ޓެކްނޮލޮޖީ، ރިސްކް މެނޭޖްމަންޓް އަދި ފައިނޭންޝަލް ރިޕޯޓިން އެންޑް އެނަލިޓިކްސް ނުވަތަ ފައިނޭންޝަލް އިންޖިނިއަރިންގެ ދާއިރާއަކުން އަންޑާ ގްރެޖުއޭޓް ޕްރޮގްރާމެއް ފުރިހަމަ ކުރުމަށް އެދި ހުށަހެޅިދާނެއެވެ.
ރާއްޖޭން ބޭރުގައި ކިޔަވާ އެ ކޯސްތަކުގެ ހުރިހާ ހަރަދެއް ކުރާނީ ބީއެމްއެލްއިންނެވެ. އެގޮތުން ސްކޮލާޝިޕްއަށް ހޮވޭ ދަރިވަރުންނަށް ޓިއުޝަން ފީ، މަހުން މަހަށް ހިނގާނެ ހަރަދު، ވިސާ ފީ، ފޮތް ގަތުމުގެ ހަރަދާއި އެސްޓަބްލިޝްމަންޓް އެލަވަންސްގެ އިތުރުން ޓިކެޓް ހަރަދުވެސް ބީއެމްއެލުން ހަމަޖައްސައިދޭނެއެވެ.
ބީއެމްއެލްއިން ބުނީ މި ސްކޮލާޝިޕްތަކުގެ ބޭނުމަކީ ފައިނޭންޝިއަލް ދާއިރާއިން ހުނަރުވެރި ދިވެހި ޒުވާނުން ބިނާކުރުން ކަމަށެވެ.
އުމުރުން 18 އަހާރާއި 25 އަހަރާ ދެމެދު ދިވެހިންގެ ތެރެއިން އޭ ލެވެލް އިމްތިހާނުގެ ފަސް މާއްދާއިން ފާސްވެފައިވާ ފަރާތްތައް ނުވަތަ އޯ ލެވެލްގެ އަށް މާއްދާއިން ފާސްވެފައިވާ ފަރާތްތަކަށް މި ފަންޑަށް އެދި ހުށަހޭނެއެވެ
ސްކޮލާޝިޕްގައި ބައިވެރިވާން ބޭނުންވާ ދަރިވަރުން އޭޕްރީލް މަހުގެ 20 ވަނަ ދުވަހުގެ ކުރިން އެޕްލިކޭޝަން ފޯމާއި ބޭނުންވާ އިތުރު ލިޔުންތަކާއެކު [email protected] އަށް މެއިލްކުރުމަށް ބީއެމްއެލްއިން ވަނީ އެދިފައެވެ.
