ރާއްޖެއިން 175،118 މީހުން ކޮވިޑް-19 ވެކްސިން ފުރިހަމަ ކޮށްފި އެވެ.
ރާއްޖޭގައި މިހާރު އާންމުކޮށް ދެމުން އަންނަނީ ޗައިނާގެ ސިނޯފާމް ވެކްސިން އެކަންޏެވެ. އެހެންކަމުން ދެވަނަ ޑޯޒް ފުރިހަމަ ކުރަމުންދާ ގިނަ މީހުންނަކީ އެ ވެކްސިން ޖަހާ މީހުންނެވެ. މީގެ އިތުރުން ބައެއް ހާއްސަ ފަރާތްތަކަށް ފައިޒާ ވެކްސިންވެސް އަންނަނީ ދެމުންނެވެ.
އިއްޔެގެ ނިޔަލަށް ކޮވިޑް ވެކްސިންގެ ފުރަތަމަ ޑޯޒް ޖަހާފައިވަނީ 313،085 މީހުންނެވެ.
ރާއްޖޭގައި ކޮވިޝީލްޑް ވެކްސިން ދެމުން އައިނަމަވެސް އެ ވެކްސިން ހުސްވުމާއި ގުޅިގެން އާންމުކޮށް ދިނުން ވަނީ މެދުކަނޑާލައިފަ އެވެ. ވެކްސިން ހުސްވިއިރު ދެވަނަ ޑޯޒް ފުރިހަމަ ނުކުރާ ލައްކައަކަށްވުރެއް ގިނަ މީހުން އެބަ ތިއްބެވެ.
ރާއްޖޭގައި ވެކްސިން ޖަހާ ދުވެލި މަޑުޖެހިފައިވަނީ ވެކްސިން ލިބުމުގައި ދަތިތަކެއް ކުރިމަތިވުމުގެ ސަބަބުންނެވެ. ސަރުކާރުން ބުނީ އަންނަ ޖުލައި މަހުގެ ތެރޭގައި ވެކްސިން ލިބޭނެ ކަމަށެވެ.
+1
+1
+1
+1
+1
+1
