ވޯލްޑް ފޯރަމް ފޯ ކަލްޗާ އެންޑް ޕީސްގެ ޗެއާމަން އަބްދުލް އަޒީޒް ސައުދު އަލް ބަޓަން އެ ޖަމިއްޔާގެ ބައްދަލުވުމެއްގައި ބައިވެރިވެވަޑައިގަތުމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު މޯލްޓާއަށް ވަޑައިގަތުމަށް ހަމަޖެހިއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ރައީސް ނަޝީދު ވިދާޅުވީ އެމަނިކުފާނު މިރޭ މޯލްޓާއަށް ފުރައިވަޑައިގަންނަވާނެކަމަށެވެ.
ވޯލްޑް ފޯރަމް ފޯ ކަލްޗާ އެންޑް ޕީސްއަކީ ދުނިޔޭގެ ސުލްހައަށް މަސައްކަތްކުރާ، ސަގާފަތް ކުރިއަށްއޮތް ޖީލުތަކަށް ވާސިލްކޮށްދިނުމަށް މަސައްކަތްކުރާ ޖަމިއްޔާއެކެވެ.
މި ބައްދަލުވުމުގައި ނަޝީދުގެ އިތުރުން ހުޅުމާލެ ދާއިރާގެ މެމްބަރު އަލީ ނިޔާޒް އަދި ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމަށްވެސް ދަޢުވަތު ލިބިވަޑައިގެންފައިވާތީ މި ދަތުރުފުލުގައި ބައިވެރިވެވަޑައިގަންނަވާނެކަމަށް ނަޝީދު ވިދާޅުވިއެވެ.
އެ ދަތުރުފުޅު ނިންމަވާލެއްވުމަށް ނިންމާފައިވަނީ އަންނަ ހަފްތާގެ އާދީއްތަ ދުވަހުކަމަށްވުމުން އެ ހަފްތާގެ ޖަލްސާތަކުގައި ބައިވެރިވެވަޑައިގެންނެވޭނެކަމަށް ނަޝީދު ވިދާޅުވިއެވެ.
×
