ސްޓެލްކޯގެ މެނޭޖިން ޑިރެކްޓަރު ކަމުގެ މަގާމުން ވަކިކުރި ހަސަން މުޣުނީ، އެންވަޔަރްމެންޓް މިނިސްޓްރީގެ ސްޓޭޓް މިނިސްޓަރަކަށް މިއަދު އައްޔަންކޮށްފި އެވެ.
މުޣުނީގެ ބަދަލުގައި ސްޓެލްކޯ ހިންގަން ހަވާލުކުރެއްވީ އިލެކްޝަންސް ކޮމިޝަނުގެ ކުރީގެ ރައީސް އަހްމަދު ޝަރީފުއާ އެވެ.
ސްޓޭޓް މިނިސްޓަރެއްގެ މުސާރަ އަކީ މަހަކު 32،000ރ. އެވެ. އަދި ސްޓޭޓް މިނިސްޓަރަކަށް މަހަކު 15،000ރ. ގެ އެލަވަންސެއް ލިބިވަޑައިގަންނަވާނެ އެވެ.
މުޣުނީގެ އިތުރުން މިހާރު އެންވަޔަރްމެންޓް މިނިސްޓްރީގައި ސްޓޭޓް މިނިސްޓަރުންގެ ގޮތުގައި ތިއްބަވަނީ އަލީ ސޯލިހާއި، އަހުމަދު މުޖުތަބާއާއި، ޚަދީޖާ ނަސީމުގެ އިތުރުން މުހައްމަދު ޝަރީފެވެ.
ސްޓެލްކޯގެ އިތުރުން ވެސް ސަރުކާރުގެ ބައެއް ކުންފުނިތަކުގެ ހިންގުމަށް ބޮޑެތި ބަދަލުތަކެއް ގެނައުމަށް ޕީސީބީ އަށް ސަރުކާރުން ވަނީ ހުށަހަޅައިފަ އެވެ.
+1
+1
+1
+1
+1
+1
