ސިންގަޕޫރުގައި ތައިރޮއިޑް އޮޕަރޭޝަން ކުރެއްވުމަށް ސިންގަޕޫރަށް ކުރެއްވި ދަތުރުފުޅަށްފަހު ރައީސް އިބްރާހިމް މުހައްމަދު ސޯލިހު ރާއްޖެ ވަޑައިގެންފިއެވެ.
ޑޮކްޓަރުންގެ ލަފާގެ މަތިން ރައީސް ތައިރޮޑްގެ އޮޕަރޭޝަނަކަށް ސިންގަޕޫރަށް ވަޑައިގަތީ މި މަހުގެ 23 ވަނަ ދުވަހުއެވެ. ރައީސްގެ އަރިހުގައި އަނބިކަނބަލުން އަދި ފަސްޓް ލޭޑީ ފަޒްނާ އަހުމަދުވެސް ވަޑައިގެންނެވިއެވެ.
ރައީސް އޮފީހުން މިއަދު ބުނީ އޮޕަރޭޝަން ކުރެއްވުމަށް ސިންގަޕޫރަށް ކުރެއްވި ދަތުރުފުޅު ނިންމަވައިލެއްވުމަށްފަހު ރައީސްގެ ދެކަނބަލުން ރާއްޖެ ވަޑައިގެންނެވީ ރޭގެ ވަގުތެއްގައި ކަމަށެވެ.
ރައީސް، ސިންގަޕޫރުގައި ތައިރޮއިޑް ސާޖަރީއެއް ކުރެއްވީ މިދިޔަ މަހުގެ 25 ވަނަ ދުވަހުއެވެ.
ރައީސްގެ ސާޖަރީ ކުރެއްވީ ވެރިކަމުގެ ބާރުތައް ނައިބު ރައީސް ފައިސަލް ނަސީމްއާ ހަވާލުކުރެއްވުމަށް ފަހު އެވެ. އަލުން މަގާމާ ހަވާލުވެވަޑައިގަތީ ތިން ގަޑިއިރާއި 30 މިނެޓަށް ފަހުންނެެވެ.
