ހާއްސަ އިނާމުތަކަކާއެކު މިއަހަރުގެ އުރީދޫ ރޯދަ ކުއިޒް ފަށައިފިއެވެ.
އުރީދޫގެ ރޯދަ ކުއިޒް ފަށާފައިވަނީ މިއަދު ސޯޝަލް މީޑިއާ މެދުވެރިކޮށެވެ. އެގޮތުން މިއަދު ވަނީ ފުރަތަމަ ސުވާލަށް ޖަވާބު ދިމާކުރުމުގެ ފުރުސަތު ހުޅުވާލައިފައެވެ.
އުރީދޫ ރޯދަ ކުއިޒްގެ އެންމެ ގިނަ ސުވާލު ދިމާކުރާ ނަސީބުވެރިޔަކަށް ހުށަހަޅާފައިވަނީ އައިފޯން 13 ޕްރޯއެކެވެ. އަދި ކޮންމެ ހަފުތާއަކު ނަސީބުވެރި އެއް ފަރާތަކަށް ސެމްސަންގް ގެލެކްސީ ބަޑްސް ލައިވްއެއް ވެސް ހުށަހަޅާފައިވެއެވެ.
ކޮންމެ ދުވަހެއްގެ ސުވާލުގެ ޖަވާބު ދިނުމަށް ސޯޝަލް މީޑިއާގައި OoredooRoadhaQuiz# ބޭނުންކުރަން ޖެހެއެވެ. މިއަދުގެ ކުއިޒްއަކީ ތާވަލުގައި ބޮޅު އަޅައިގެން ސުވާލު ދިމާކުރުމެވެ. ސުވާލަށް ޖަވާބުދިނުމަށް މާދަމާ ރޭ 11:30ގެ ކުރިން ހޭޝްޓެގް ޖެހުމަށްފަހު ޕޯސްޓަށް ރިޕްލައި ކުރަން ޖެހެއެވެ.
އުރީދޫ ރޯދަ ކުއިޒްގެ މިއަދުގެ ސުވާލަކީ އެ މިސްކިތެއްގައި ކުރެވޭ ނަމާދުގެ ސަވާބު އެހެން މިސްކިތަކަށްވުރެ އިތުރުވާނެ ކަމަށް އައިސްފައިވާ މިސްކިތަކީ ކޮބައިތޯއެވެ. ޕީސް ފައުންޑޭޝަންއާ ގުޅިގެން ގެނެސްދީފައިވާ އެ ސުވާލާއެކު ތާވަލެއް ވެސް ވަނީ ދީފައެވެ. ސުވާލުގެ ޖަވާބު ދިމާކުރުމަށް ބޮޅު އަޅަން ޖެހެނީ އެ ތާވަލުގައެވެ.
