ހިލޭ ޑޭޓާލިބޭގޮތަށް އުމްރާދަތުރާއި، ސައޫދީއަށް ގުޅައިލެވޭ ގޮތްވެސް ހިމެނޭ ހާއްސަ ޕްރޮމޯޝަނެއް އުރީދޫން މިއަދު ފަށައިފި އެވެ.
އުރީދޫން ބުނީ، މި އޮފާތަކަކީ، ބަރަކާތްތެރި ރޯދަމަހުގެ ހެޔޮ އެދުމާއެކު، އާއިލާ އާއި ރައްޓެހިން ޑިޖިޓަލްކޮށް ގުޅުވައިލަދިނުމަށް ހާއްސަ ކުރެވިފައިވާ ކަންތައްތަކެއް ކަމަށެވެ.
މި ހިދުމަތްތަކުގެ ތެރެއިން، ގުޑް މޯނިންގް މޯލްޑިވްސް ޕްރޮމޯޝަންގައި ބައިވެރިވުމުން، ރޯދަމަހުގެ ކޮންމެ ދުވަހެއްވެސް ފެށިގެންދާނީ އެއްޖީބީ ހިލޭ ލިބޭ ބޯނަސް ޑޭޓާއާ އެކުއެވެ.
ދުވަހުގެ ހިލޭ ޑޭޓާ އެލަވަންސް ހޯދުމަށް، ފަތިހު 4:00 އިން ހެނދުނު 8:00 އާ ދެމެދު 5252 އަށް "BONUS" ޖަހާފައި، އެސްއެމްއެސް އެއް ފޮނުވާލުމުން ޑޭޓާ ލިބިގެންދާނެއެވެ. އެކްޓިވޭޓް ކުރާ ވަގުތުން ފެށިގެން އިރުއޮއްސި 6:00 އާ ދެމެދު އެ ލިބޭ ބޯނަސްއިން ޑޭޓާ ބޭނުންކުރެއްވޭނެއެވެ.
ބަރަކާތްތެރި ރަމަލާން މަސް ފާހަގަކުރުމުގެ ގޮތުން އުރީދޫ މޯލްޑިވްސް އިން ވަނީ މި މަހު، އުރީދޫގެ ކޮންމެ ހިދުމަތެއް އެކްޓިވޭޓް ކުރާ ކަސްޓަމަރުންނަށްވެސް ވަރަށް އަގުހުރި އިނާމުތަކާއިއެކު ލަކީ ޑްރޯއެއް ހުޅުވައިލައިފައެވެ. މި ޕްރޮމޯޝަންގައި ބައިވެރިވާ ފަރާތްތަކުގެ ތެރެއިން ނަސީބުވެރި 10 ކަސްޓަމަރުންނަށް ކޮންމެ ހަފުތާއަކު 100 ޖީބީޑޭޓާ ހޯދުމުގެ އިތުރުން ދެ ކަސްޓަމަރަކަށް އުމްރާ ދަތުރެއް ލިބުމުގެ ފުރުސަތު ލިބިގެންދާނެއެވެ.
އުރީދޫ މޯލްޑިވްސް އިން މި މަހު އަލަށް ސުޕަނެޓް ކަނެކްޝަނެއް އެކްޓިވޭޓް ކުރާ، ނުވަތަ ސުޕަނެޓް ޕްލޭން އަޕްގްރޭޑް ކުރާ ކަސްޓަމަރުންނަށް ތިން މަސް ދުވަހުގެ މުއްދަތަށް، ކޮންމެ މަހަކު 100 ޖީބީ ބޯނަސް ޑޭޓާ ހިލޭ ލިބޭނެއެވެ. ސުޕަނެޓް ގެ ހިދުމަތް ފަސޭހަކަމާއެކު އޮންލައިންކޮށް ހޯދައިލުމަށް ނުވަތަ ޕްލޭން އަޕްގްރޭޑް ކުރުމަށް ore.do/supernet ޒިޔާރަތްކުރެވޭގޮތަށް ހަމަޖެހިފައިވެއެވެ.
ސައޫދީ އައިޑީޑީ ޕެކް ބޭނުންކޮށްގެން ސައުދީއަރަބިއްޔާގައި ތިބި ރަހުމަތްތެރިންނާއި އާއިލާ މީހުންނާ މުއާމަލާތްކޮށް، ކަސްޓަމަރުންނަށް 100 މިނެޓާއި އެއްޖީބީގެ ސޯޝަލް ޑޭޓާ (ވައިބާ، ވަޓްސްއެޕް، އައިއެމްއޯ) ހަމައެކަނި 150 ރުފިޔާއަށް ލިބޭގޮތަށްވެސް ވަނީ ހަމަޖައްސައިފައެވެ.
އެހެން އަހަރުތަކެކޭ އެއްފަދައިން، ގޭގައި ތިބެގެން ފަސޭހަކަމާއެކު އެމް-ފައިސާ މެދުވެރިކޮށް ޒަކާތް ދެއްކުމުގެ އިންތިޒާމު އުރީދޫން މިފަހަރުވެސް ވަނީ ފަހިކޮށްދީފައެވެ. އެމް-ފައިސާ މެދުވެރިކޮށް ޒަކާތްދެއްކުމަށް އުރީދޫ އެޕް ޑައުންލޯޑް ކޮށްލުމަށްފަހު، އެމް-ފައިސާގެ ހިދުމަތްތަކާއި އޮފާތައް ބޭނުންކުރުމަށް ހުރިހާ ނެޓްވޯކެއްގެ ކަސްޓަމަރުންނަށް މަރުހަބާކިޔާކަމަށް އުރީދޫން ބުނެއެވެ.
މީގެ އިތުރުން ޕްރީޕެއިޑް ކަސްޓަމަރުންނަށް، ޕްރީޕެއިޑް ބެލެންސް މެދުވެރިކޮށް ފަސޭހަކަމާއެކު ފައިސާ ދައްކައިލެވޭނެ ކަމަށާއި، ޕްރީޕެއިޑް ބެލެންސް ބޭނުންކޮށްގެން ޒަކާތް ދައްކައިލުމަށް *909# އަށް ޑައަލް ކޮށްލުމަށްވެސް އުރީދޫއިން އެދިފައިވެއެވެ.
އުރީދޫ ކަސްޓަމަރުންނަށް ޓެކްސްޓް އަ ކޮފީ މެދުވެރިކޮށް ރޯދަވިއްލުމެއް ނުވަތަ މީރު ބުއިމެއް ހަދިޔާ ކޮށްލުމުން ހިލޭ އެއްޖީބީ ހޯދުމުގެ ފުރުސަތުވެސްވަނީ އުރީދޫން ވަނީ ހުޅުވައިލައިފައެވެ. މަގުބޫލު ރެސްޓޯރެންޓްތަކާއި ކެފޭތަކުގެ ކެއުމާއި ބުއިންތައް ހަދިޔާ ކޮށްލެވޭ ޓެކްސްޓް އަ ކޮފީ މެދުވެރިކޮށް ހަދިޔާއެއް ފޮނުވާލުމަށް ore.do/txtcofy ޒިޔާރަތް ކުރުމަށްވެސް އުރީދޫން އެދިފައިވެއެވެ.
މި ރަމަލާން މަހު ނަމާދު ވަގުތުތަކަށް ސަމާލުވުމަށް، އެހީ އެލަރޓް ލިބިގަތުމަށް އިތުރު ފަސޭހަކަމެއް ލިބިގެންދާނެ ކަމަށާއި، ވައިބަރ ބޭނުންނުކުރާ ފަރާތްތަކަށް އެސްއެމްއެސް މެދުވެރިކޮށް ނަމާދު އެލާޓް އެކްޓިވޭޓްކޮށްލެވޭނެ ކަމަށާއި، ނަމާދު އެލާޓް، އެސްއެމްއެސް އެއްގޮތުގައި ހިލޭ ހޯއްދުމަށް “GO” ޖެހުމަށްފަހު 4777 އަށް އެސްއެމްއެސް ކޮށްލުމަށްވެސް އުރީދޫން ވަނީ އެދިފައެވެ.
ރީތިޓިއުންސް ހޯދުމަށް “Ramadan” ޖެއްސެވުމަށް ފަހު 4000 އަށް އެސްއެމްއެސް ކޮށްގެން ރީތި ޓިއުންސް މެދުވެރިކޮށް ކީރިތި ގުރުއާންގެ އާޔަތްތަކާއި ރީތި މަދަހަ ލިބޭނެ ކަމަށްވެސް ބުނެފައިވެއެވެ.
އުރީދޫ މޯލްޑިވްސް އިން ދާދިފަހުން ތައާރުފުކުރި އާޗާ ޕޯޓްފޯލިއޯގެ ދަށުން އުރީދޫ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް، ހަގުނަ އިތުރު ޑޭޓާ ހެޔޮ އަގުގައި ލިބި އާއިލާ އާއި ރައްޓެހިންނާ ގުޅުން ބަދަހިކޮށް، އިންޓަނެޓްގެ ފުރިހަމަ ތަޖުރިބާއެއް ހޯދުމަށް ފުރުސަތު ފަހިކޮށްދީފައިވާ ކަމަށްވެސް ބުނެފައިވެއެވެ.
އުރީދޫން ރަމަލާން މަހަށް ހާއްސަ ޕްރޮމޯޝަންތަކާއި ހިދުމަތްތަކުގެ އިތުރު މައުލޫމާތު އަދި ތަފްސީލް، https://www.ooredoo.mv/ramadan މެދުވެރިކޮށް ލިބިވަޑައިގަންނަވާނެ ކަމށް އުރީދޫއިން ބުނެއެވެ.
