ފެމިލީ ކޯޓަށް ގާޒީއަކު ހޯދަނީ

ފެމިލީ ކޯޓަށް ގާޒީއަކު ހޯދަން ޖުޑީޝިއަލް ސާވިސް ކޮމިޝަން (ޖޭއެސްސީ)ން އިއުލާނުކޮށްފިއެވެ.

ޖޭއެސްސީ ކުރި އިއުލާނެއްގައި ބުނެފައި ވަނީ، އެ ކޯޓަށް ގާޒީއަކު ބޭނުންވާ ކަމަށެެވެ.

އަދި އޭނާއަށް މުސާރައިގެ ގޮތުގައި 30،000ރ އަދި ލިވިންގ އެލަވެންސްގެ ގޮތުގައި 15،000ރ. އިތުރުން، ރިސްކްް އެލަވެންސްގެ ގޮތުގައި 1،375ރ ލިބިގެން ދާނެ ކަމަށެވެ. އަދި މެޑިކަލް އިންޝުރެންސް އާއި ފޯން އެލަވެންސްގެ މަޖިލީހުގެ ގަވާއިދުގެ ވާގޮތުގެ މަތިން ލިބޭނެ ކަމަށް ބުނެފައި ވެއެވެ.

އެހެންކަމުން އެ މަގާމުތަކަށް ކުރިމަތިލައްވަން ބޭނުންވާ ފަރާތްތަކުން މި މަހުގެ 22 ވަނަ ދުވަހުގެ މެންދުރު 13:00ގެ ކުރިން ޖޭއެސްސީގެ ފަހިރެސް ޕޯޓަލް މެދުވެރިކޮށް މަގާމަށް ކުރިމަތިލުމަށް ވަނީ އިއުލާނު ކޮށްފައެވެ.