ޔޫތު މިނިސްޓްރީގެ ޑެޕިއުޓީ މިނިސްޓަރަކަށް އަަޒްމޫން އަހްމަދު ހަމަޖައްސައިފި އެވެ.
އޭނާ މީގެ ކުރިން ހުންނެވީ ޔޫތު މިނިސްޓަރު އަހްމަދު މަހްލޫފްގެ ޕާސަނަލް އެސިސްޓެންޓްގެ މަގާމުގަ އެވެ.
މިނިސްޓަރުގެ ނައިބަކަށް ހަމަޖެއްސިކަން ރައީސް އޮފީހުން އަދި ރަސްމީކޮށް އިއުލާން ނުކުރިޔަސް ވެބްސައިޓުގެ ޑެޕިއުޓީ މިނިސްޓަރުންގެ ތެރޭގައި އޭނާ ހިމެނިވަޑައިގަންނަވަ އެވެ.
އަޒްމޫންއާ އެކު އެ މިނިސްޓަރުގައި 8 ޑެޕިއުޓީ މިނިސްޓަރުންނާއި ދެ ސްޓޭޓް މިނިސްޓަރުން ތިއްބަވަ އެވެ.
އަޒްމޫން ޔޫތު މިނިސްޓަރުގެ ނައިބު ކަމަށް އައްޔަންކުރިކަން އަދި ރައީސުލްޖުމްހޫރިއްޔާގެ އޮފީހުން ރަސްމީކޮށް އިއުލާނެއް ނުކުރެއެވެ. ނަމަވެސް ރައީސުލްޖުމްހޫރިއްޔާގެ އޮފީހުގެ ވެބްސައިޓްގައި ޔޫތު މިނިސްޓަރުގެ ނައިބުންގެ ގޮތުގައި އައްޔަން ކޮށްފައި ތިބި ބޭފުޅުންގެ މައުލޫމާތު ފެންނަން އޮތް ބައިގައި މިހާރު އަޒްމޫނުގެ ނަން އެބައޮތެވެ.
މިނިސްޓަރުންގެ ނައިބުންނަށް ބޭސިކް މުސާރައިގެ ގޮތުގައި -/18000 ރުފިޔާ، ލިވިން އެލަވަންސްގެ ގޮތުގައި -/12500 އަދި ފޯން އެލަވަންސްގެ ގޮތުގައި މަހަކު -/1000 ރުފިޔާ ލިބޭނެއެވެ. އެހެންކަމުން އަޒްމޫނަށް މަހަކު -/31500 ރުފިޔާ ލިބޭނެއެވެ.
