އައްޑޫގައި އިހި ނަގަން މޫދަށް ފޭބި ޒުވާނަކު ގެއްލިގެން ހޯދަނީ

ފުލުހުން ބުނީ އައްޑޫގައި އިހި ނަގަން ފޭބި ތިން މީހެއްގެ ތެތެއިން އެކަކު ގެއްލިފައިވާ ކަމުގެ ރިޕޯޓު ލިބުނީ ރޭ 10:45 ހާއިރު ކަމަށެވެ.

ގެއްލިގެން ހޯދަމުންދަނީ ސ. މަރަދޫ، ކުރެދުމާގޭ، މުހައްމަދު ނާއިޝް، 18 އެވެ.

ފުލުހުން މައުލޫމާތު ދީފައިވާ ގޮތުގައި އޭނާ ގެއްލުނު އިރު ލައިގެން ހުރީ ހުދު ކުލައިގެ ޓީޝާޓެކެވެ.

އޭނާ ގެއްލުނު ކަމަށް މައުލޫމާތު ލިބުނު ސަރަހައްދު އެމްއެންޑީއެފާއި އާންމުންގެ ވެސް އެހީތެރިކަމާ އެކު ހޯދަމުން އަންނަ ކަމަށާއި މިހާތަނަށް އޭނާގެ ހަބަރެއް ނުވާ ކަމަށް ފުލުހުން ބުނެފައިވެ އެވެ.