ސަރުކާރަށް ކުރިމަތިވި ޕްރެޝަރުތަކަކާއެކު ފުރަތަމަ ނޫހުގެ ވެބްސައިޓް އަންބްލޮކް ކޮށްފި އެވެ.
އެ ނޫހުގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނީ ވެބްސައިޓު އަންބްލޮކް ކޮށްފައިވަނީ 24 ގަޑިއިރު ފަހުން ކަމަށެވެ.
ރާއްޖޭގައި ނޮވެމްބަރު 25، 2019 ގައި ރަޖިސްޓްރީ ކޮށްގެން ހިންގާ "ފުރަތަމަ ނިއުސް" ވެބްސައިޓުގެ އިތުރުން މިނިސްޓްރީ އޮފް ސިޓީސް، ލޯކަލް ގަވަމެންޓް އެންޑް ޕަބްލިކް ވޯކްސްގެ ދަށުން ހިންގާ ކޮމިއުނިކޭޝަން އޮތޯރިޓީ އޮފް މޯލްޑިވްސް (ކޭމް)އިން "ދިޔަވަރު.ކޮމް" އަދި "ކުރުސީ.ކޮމް" ވެސް ބްލޮކް ކުރިއެވެ. އެދެވެބްސައިޓަކީ ރާއްޖޭގައި ރަޖިސްޓްރީ ކޮށްގެން ހިންގި ދެ ސައިޓެއް ނޫނެވެ. އަދި މިހާތަނަށް އެ ދެ ވެބްސައިޓް އަންބްލޮކް ކޮށްފައެއް ނުވެ އެވެ.
ފުރަތަމަ" ނޫހުގެ ވެބްސައިޓު ބްލޮކް ކުރިކަން ސަރުކާރުން ވަނީ ދޮގުކޮށްފަ އެވެ. ނަމަވެސް ނޫސްވެރިންގެ ޖަމްއިއްޔާއިން ވަނީ ރަޖިސްޓްރީކޮށްގެން ހިންގަމުން އައި ފުރަތަމަ ޑޮޓް ކޮމް ބްލޮކް ކުރީ ރާއްޖެއިން ސީދާ އިންޓަނެޓް ސާވިސް ޕްރޮވައިޑަރުން ކަމަށް ޖަމްއިއްޔާ އެފްލިއޭޓްވެފައިވާ ބޭރުގެ ސައިބާ ސެކިއުރިޓީ އެކްސްޕާޓުން ބުނެފައިވާ ކަމަށް ބުނެފައެވެ.
