ރާއްޖެއަށް އަންނަ ބިދޭސީންނާއި ރާއްޖޭގައި ތިބި ބިދޭސީން މެޑިކަލް 6 މަސް ތެރޭގައި ހަދަންޖެހޭ ގޮތަށް ސަރުކާރުން ނިންމައިފިއެވެ.
ރައީސް އޮފީހުގައި ބޭއްވި، ޕްރެސް ކޮންފަރެންސް، ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، އަދި ކުރީގެ ހެލްތު މިނިސްޓަރު އަބްދުﷲ ނާޒިމް އިބްރާހީމް ވިދާޅުވީ ރާއްޖެ އަށް ގިނަ ދުވަހަށް އަންނަ ބިދޭސީންނާއި ރާއްޖޭގައި މި ވަގުތު ތިބި ބިދޭސީންގެ ތެރެއިން، މެޑިކަލް ސްކްރީނިން ނުހަދާ ތިބި ބިދޭސީން، ކުރިއަށް އޮތް ހަ މަސް ދުވަހުގެ ތެރޭގައި އެ ޓެސްޓުތައް ހަދަންޖެހޭ ގޮތަށް ސަރުކާރުން ނިންމާފައިވާ ކަމަށެވެ.
ނާޒިމް ވިދާޅުވީ އެކި ބޭނުންތަކަށް ރާއްޖެ އަށް ގިނަ ދުވަހު އަންނަ ހުރިހާ ބިދޭސީން އޮންއެރައިވަލް އަދި އަހަރަކު އެއް ފަހަރު މެޑިކަލް ޗެކަޕް ހަދަން މީގެ ފަހުން ޖެހޭނެ ކަމަށެވެ. އަދި ރާއްޖެ އައުމަށްފަހު މެޑިކަލް ޗެކަޕް ހަދަން ދީފައިވާ 30 ދުވަހުގެ މުއްދަތު ވެސް، 15 ދުވަހަށް ކުރު ކުރަން ނިންމާފައިވާ ކަމަށް އޭނާ ވިދާޅުވި އެވެ.
ނާޒިމް ވިދާޅުވީ ރާއްޖޭގައި ގަވާއިދާ ހިލާފަށް އުޅޭ ބިދޭސީން، ރެގިއުލައިޒްކުރާއިރު މެޑިކަލް ޗެކަޕް ލާޒިމްކޮށްފައިވާ ކަމަށެވެ. އަދި ނާޒިމް ވިދާޅުވީ ހެލްތުން ގަބޫލުކުރާ ބައެއް ތަންނަތުން ހަދާ މެޑިކަލް ޗެކަޕް ގަބޫލުކުރާގޮތަށް ހަމަޖައްސާފައިވާ ކަމަށާއި، ރާއްޖެއަކީ ގައިންގަޔަށް އަރާ ގިނަ ބަލިތަކެއް ކޮންޓްރީ ކުރެވިފައވާތީ ޕްރިކޯޝަނަރީ މެޝާރތައް ނެގުމަށް މެޑިކަލް ޗެކޕްގެ ނިޒާމަ ހަރުދަނާ ކުރަން ޖެހިފައިވާ ކަމުގައެވެ.
