ކުރިއަށް އޮތް ރައްޔިތުންގެ މަޖިލިހުގެ އިންތިހާބަށް ޕީޕީއެމް/ޕީއެންސީގެ ފަރާތުން ވާދަކުރާނެ ކެންޑިޑޭޓުން ހޮވުމަށް މިއަދު ބޭއްވި ޕްރައިމަރީގައި ކުރީގެ ގިނަ މަޖިލިސް މެންބަރުންތަކެއް އެ ކޯލިޝަންގެ ޓިކެޓް ކަށަވަރު ކުރައްވައިފި އެވެ.
ޓިކެޓު ކަށަވަރު ކުރެއްވި ބޭފުޅުންގެ ތެރޭގައި ދިއްދޫ ދާއިރާ ކަށަވަރު ކުރެއްވީ ކުރީގެ މެމްބަރު އަބްދުއްލަތީފު މުހައްމަދެވެ. މާފަންނު ދެކުނު ދާއިރާ އެދާއިރާގެ ކުރީގެ މެމްބަރު އަބްދުﷲ ރިފާއު (ބޮޗޭ), އިނގުރައިދޫ ދާއިރާ އެދާއިރާގެ ކުރީގެ މެމްބަރު އިބްރާހިމް ފަލާހު، މިލަންދޫ ދާއިރާ އެދާއިރާގެ ކުރީގެ މެމްބަރު ހަސަން މުފީދު، ވިލިމާލެ ދާއިރާ ހޯރަފުށީ ދާއިރާގެ ކުރީގެ މެމްބަރު މުހައްމަދު އިސްމާއިލު، ތިނަދޫ އުތުރު ދާއިރާ، އެދާއިރާގެ ކުރީގެ މެމްބަރު ސައުދުﷲ ހިލްމީ ހިމެނިވަޑައިގަންނަވައެވެ. އަދި މާފަންނު މެދު ދާއިރާގެ ޓިކެޓް ކަށަވަރު ކުރެއްވީ އެ ދާއިރާގެ ކުރީގެ މެންބަރު އަސްމާ ރަޝީދެވެ.
ރައްޔިތުންގެ މަޖިލިހުގެ ކުރީގެ މެމްބަރު އަލީ ފަޒާދުވެސް ވަނީ އެދާއިރާގެ ޓިކެޓް ކަށަވަރު ކުރައްވާފައެވެ. އަދި ފޭދޫ ދާއިރާގެ މެމްބަރުކަން ކުރެއްވި އިބުރާހިމް ދީދީ (އައިބީ) އެދާއިރާގެ ޓިކެޓް ވަނީ ކަށަވަރު ކުރައްވާފަ އެވެ.
