ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަގާމުން ދުރު ކުރުމުގެ މަސައްކަތް ފަށައި އެކަމަށް ބޭނުންވާ ސޮއި އިދިކޮޅު ދެޕާޓީ ކަމަށްވާ މޯލްޑިވިއަން ޑިމޮކްރެޓިކް ޕާޓީއާއި ދަ ޑިމޮކްރެޓްސްއިން ހަމަ ކޮށްފި އެވެ.
ރައްޔިތުންގެ މަޖިލީހުގެ މެޖޯރިޓީ އޮތް އެމްޑީޕީގެ މެމްބަރުން ކަށަވަރުކޮށްދިން ގޮތުގައި މިއަދު ބޭއްވި ޕީޖީ ބައްދަލުކުރުމުގައި ރައީސް އަޒުލު ކުރަން ވަނީ ނިންމާފަ އެވެ. އަދި އެ މައްސަލަ މަޖިލީހަށް ހުށަހަޅަން ބޭނުންވާ އަދަދަށް މިހާރު ސޮއި ހަމަ ކޮށްފައިވާ ކަމަށް ވެސް އެ މެންބަރުން ވިދާޅުވި އެވެ.
މިހާރު މަޖިލީހުގައި އެމްޑީޕީގެ 43 މެންބަރުން ތިއްބަވައެވެ. އަދި، ދަ ޑިމޮކްރެޓްސްއަށް ނިސްބަތްވާ 13 މެންބަރުން ތިއްބަވައެވެ. އެއީ، ޖުމުލަ 56 މެންބަރުންނެވެ.
ގާނޫނު އަސާސީއާއި މަޖިލީހުގެ ގަވާއިދު ބުނާ ގޮތުން 54 މެންބަރުންގެ ވޯޓާ އެކު ރައީސް އަޒުލުކުރެވޭނެއެވެ.
