ހުޅުމާލޭ ދެވަނަ ފިޔަވަހީގެ ވިނަރެސް ފްލެޓްތައް ކައިރީ އާރުޓީއެލްގެ އައު ބަސްހުއްޓިއެއް ޤާއިމުކޮށް ޚިދުމަތްދޭން ފަށާން އެމްޓީސީސީން ނިންމައިފިއެވެ.
އެ ކުންފުނިން ބުނީ ރައްޔިތުންގެ އެދުމާއި އެއްގޮތަށް ހުޅުމާލޭ ދެވަނަ ފިޔަވަހީގެ ވިނަރެސް ފްލެޓްތަކުގައި ދިރިއުޅޭ ރައްޔިތުންނަށް އާރުޓީއެލް ބަހުގެ ޚިދުމަތް ފަސޭހައިން ފޯރުކޮށްދިނުމަށްޓަކައި އެ ސަރަހައްދުގައި އައު ބަސް ހުއްޓިއެއް ޤާއިމުކުރެވި މާދަމާއިން ފެށިގެން ޚިދުމަތްދޭން ފަށާނެ ކަމަށެވެ.
މިއާއެކު ހުޅުމާލެއަށް ދަތުރުކުރާ ބަސްތަކުގެ ރޫޓަށް ބަދަލު ގެނެސްފައިވެއެވެ.
- އާރު 6 (ހުޅުމާލޭ ފޭސް 1 - ފޭސް 2)
- އާރު 7 (ހުޅުމާލެ ފޭސް 2 - ވެސްޓް ޕާރކް)
- އާރު 8 (ހުޅުމާލެ ފޭސް 2 - ކަރނިވަލް)
- އާރު 9 ( ހުޅުމާލެ ފޭސް 2 - އެއަރޕޯޓް)
މީގެއިތުރުން ޚިދުމަތުގެ ފެންވަރު ރަނގަޅު ކުރުމަށްޓަކައި އާންމުކޮށްފައިވާ ޗާޓާއި އެއްގޮތަށް އާރު 7، އާރު 8 އަދި އާރު 9 ގެ ރޫޓުތަކަށް ބަދަލު އަންނާނެ ކަމަށްވެސް ވަނީ ބުނެފަ އެވެ.
އާރުޓީއެލް ބަހުގެ ޚިދުމަތުގެ ރޫޓުތަކާއި ޝެޑިއުލްތަކާއި ގުޅޭ އިތުރު މައުލޫމާތު ހޯދުމަށް އާރުޓީއެލްގެ ވެބްސައިޓް http://www.rtl.mv ނުވަތަ އާރުޓީއެލް މޮބައިލް އެޕްލިކޭޝަން މެދުވެރިކޮށް ބަލާލެވޭނެއެވެ. އަދި ހޮޓްލައިން ނަންބަރަ 1650 އަށް ގުލައިގެންވެސް އިތުރު މައުލޫމާތު ލިބޭނެއެވެ.
