އިނގިރޭސި ރަސްގެފާނަށް އަވަސް ޝިފާއަކަށް އެދޭކަމަށާއި، އެމަނިކުފާނާއެކު ދިވެހި ރައްޔިތުންވެސް އެދެނީ އިނގިރޭސި ރަސްގެފާނު ފިރިހަމަ ސިއްހަތެއްގައި ދެމިހުރުމަށް ކަމުގައި ރައީސް މުއިއްޒު ވިދާޅުވެއްޖެއްޖެއެވެ.
ރައީސް މުއިއްޒު މިހެން ވިދާޅުވެފައިވަނީ އިނގިރޭސި ރަސްގެފާނު ޗާލްސް އަށް ކެންސަރު ޖެހިއްޖެކަން، ރަސްގެފާނުގެ ރަސްމީ ގަނޑުވަރު ބަކިމްހަމް ޕެލަސްއިން އިއުލާން ކޮށްފައިވަނިކޮށް ކުރެއްވި އެކްސް ޕޯސްޓެއްގައެވެ.
ރައީސްގެ އެކްސް ޕޯސްޓުގައި ވިދާޅުވެފައިވަނީ، ރަސްގެފާނު ޗާރލްސްއަށް ކެންސަރު ޖެހިވަޑައިގަތް ޚަބަރު އެހީ ކުއްލި ހިތާމައާއެކު ކަމަށެވެ. އެމަނިކުފާނުގެ މެސެޖުގައި ވަނީ ރަސްގެފާނު ޗާލްސް އަވަސް މުސްތަގުބަލެއްގައި ފުރިހަމަ ސިއްހަތައް އަލުން ރުޖޫއަވެވަޑައިގަތުމަށް އެދޭ ކަމަށް ވިދާޅުވެފަ އެވެ.
އިނގިރޭސި ރަސްގެފާނަށް ކެންސަރުގެ އާލާސްކަން ޖެހިވަޑައިގެންފައިވާކަން އިއުލާނު ކުރީ ބަކިންހަމް ޕެލެސްއިން ނެރުނު ނޫސް ބަޔާނެއްގަ އެވެ. އެ ބަޔާނުގައި ބުނެފައި ވަނީ ރަސްގެފާނުގެ ޕްރޮސްޓޭޓް އާލާސްކަންފުޅަށް އެޑުމިޓުކޮށްގެން ހެދި ޓެސްޓުތަކުން ކެންސަރަށް ޕޮޒިޓިވްވުމާ ގުޅިގެން ފަރުވާ ދެމުންދާ ކަމަށެވެ.
