ކުރިޔަށް އޮތް ރައްޔިތުންގެ މަޖިލީހުގައި ވޯޓުލެވޭ ވޯޓުލުމަށް، 13،000 އަށްވުރެ ގިނަ މީހުން ރީ ރަޖިސްޓްރީ ވުމަށް ފޯމު ލާފައިވާކަމަށް އިލެކްޝަން ކޮމިޝަނުން ބުނެފިއެވެ.
އިލެކްޝަންސް ކޮމިޝަނުގެ ނައިބު ރައީސް އިސްމާއީލް ހަބީބް އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ، އެ ކޮމިޝަނުން ރީ ރަޖިސްޓްރީ ވުމަށް ފުރުސަތު ހުޅުވާލުމުން ފާއިތުވު ހަތް ދުވަސް ތެރޭ ރީރަޖިސްޓަރީ ކުރުމަށް 13،378 މީހުން ހުށަހަޅާފައިވާ ކަމަށެވެ.
އޭގެތެރެއިން ރީރަޖިސްޓަރީ ކޮށްދިނީ 11،919 މީހުންނަށް ކަމަށާއި އަދި 1،459 މީހުންގެ ރީ ރަޖިސްޓްރޭޝަން އެ ކޮމިޝަނުން ބަލައިނުގަންނަކަމަށެވެ.
މަޖިލިސް އިންތިޚާބު އަންނަ ރޯދަމަސް ނިންމާ 10 ދުވަސް ފަހުން ބޭއްވުމަށް މައްސަލަ ދިރާސާކުރަން އެކުލަވައިލި ރައްޔިތުންގެ މަޖިލީހުގެ ވަގުތީ ކޮމިޓީން ވަނީ ފާސްކޮށްފަ އެވެ.
އިންތިޚާބު ބާއްވަން އީސީން އިއުލާނުކޮށްފައިވަނީ މާޗު މަހުގެ 17 އެވެ. އެއީ، ރޯދަ މަހުގެ ފުރަތަމަ ހަފުތާއެވެ.
