މޯލްޑިވިއަންގެ ޕައިލެޓަކާއި ކުރޫންނާ ދިމާއަށް ހަޑި ހުތުރު ބަހުން މުއާމަލާތްކޮށް، އިންޒާރުދީ އެ މީހުންގެ ސަލާމަތަށް ނުރައްކާވާ ގޮތަށް ކާށިދޫ ދާއިރާގެ މެންބަރު އަބްދުﷲ ޖާބިރު އަމަލު ކުރެއްވި މައްސަލައިގައި އެ ކުންފުނިން ފުލުހަށް ހުށައަޅައިފި އެވެ.
ޖާބިރު މޯލްޑިވިއަންގެ ކްރޫއިންނާއި ބޭއަދަބީ ބަހުން ވާހަކަދައްކާ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ. އެ ވީޑިއޯގައި ޖާބިރު ކޯފާވެ، ޕައިލެޓަށް އެކި ކަހަލަ އިންޒާރު ދެއްވައި، ހަޑި ހުތުރު ބަހުރުވައިން ވާހަކަ ދައްކަވާ މަންޒަރު ފެނެއެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ކާށިދޫ ދާއިރާއަށް ވާދަކުރަން އެމްޑީޕީގެ ޓިކެޓް ކަށަވަރު ކޮށްފައި ވަނިކޮށް އެ ޕާޓީން ވަނީ ޖާބިރުގެ އަހުލާގީ މައްސަލައެއް ބެލުމަށް ފަހު، ޓިކެޓް އަތުލައި ޕާޓީން ވަކިކޮށްފައެވެ.
+1
+1
5
+1
6
+1
+1
2
+1
2
