ކުރީ ސަރުކާރުން އިންތިހާބުގެ ތެރޭގައި މަސް ގަންނަ އަގު ބޮޑުކުރީ ސިޔާސީ މަގްސަދެއް ހާސިލުކުރުމަށް ކަމަށާއި މަސް ގަންނަ އަގު 20ރ. އަށް ކުޑަކޮށްފައިވާ ކަމަށް ފިޝަރީޒް މިނިސްޓަރު އަހްމަދު ޝިޔާމް ވިދާޅުވެއްޖެއެވެ.
މިއަދު މަޖިލީހުގައި ޝިޔާމް ވިދާޅުވީ ސަރުކާރު މަސް ކުންފުނި މިފްކޯ އިން މަސް ކިލޯ އެއް ގަންނަ އަގު 20 ރުފިޔާ އަށް ވުރެ ދަށްނުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވީ ދުނިޔޭގެ ބާޒާރުގައި މަހުގެ އަގު ހުރި ވަރަށް ބައްލަވައި، މިފްކޯގެ ހިންގުން ހަރުދަނާކުރުމުގެ ވިސްނުންފުޅުގައި ކަމަށެވެ. ރައީސް އިބްރާހީމް މުހައްމަދު ސޯލިހުގެ ސަރުކާރުން މަސް ކިލޯ އެއް ގަންނަ އަގު 25 ރުފިޔާ އަށް ބޮޑުކޮށްފައި ވަނިކޮށް، މި ސަރުކާރުން 20 ރުފިޔާ އަށް އަގު ދަށްކުރީ ދައުލަތުން އުފުލަން ޖެހޭ މާލީ ބުރަ ބޮޑުވާކަމަށް ބުނެ އެވެ. އެއީ ރިޔާސީ އިންތިހާބުގެ ފުރަތަމަ ބުރު ނިމި، ދެވަނަ ބުރުގައި ވޯޓު ހޯދުމަށް ކުރިކަމެއްގެ ގޮތުގައި ޝިޔާމް ތުހުމަތު ކުރެއްވި އެވެ. އަދި ވިދާޅުވީ އޭރު ވެސް ގަބޫލު ކުރިގޮތުން އެއީ ސިޔާސީ މަގުސަދެއް ހާސިލު ކުރުމުގެ ބޭނުމުގައި ސަރުކާރުން ކުރި އިއުލާނެކެވެ.
ޝިޔާމް ވިދާޅުވީ ވިދާޅުވީ މިދިޔަ އަހަރު ސަބްސިޑީގެ ގޮތުގައި 250 މިލިއަން ރުފިޔާ ބަޖެޓުކުރެވިފައި އޮއްވާ މިދިޔަ ސަރުކާރުން ގެނައި ބަދަލާ އެކު 500 މިލިއަން ރުފިޔާ އަށް ސަބްސިޑީ ބޮޑުވެގެން ދިޔަ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކާ ކަމަށާއި، އެހެންކަމުން ދައުލަތަށް މިހާރު ލިބޭ އާމްދަނީން 1.1 ބިލިއަން ރުފިޔާ ސަބްސިޑީގެ ގޮތުގައި ދެއްކުމަކީ ސަރުކާރަށް ވާނެ ކަމެއް ނޫން ކަމަށެވެ.
