ފްލެޓު ލިބުނު ކަމަށް ބުނެ، މަކަރާއި ހީލަތުން އޯޓީޕީ ހޯދައި މީހެއްގެ އެކައުންޓަކުން 500،000ރ. ނަގައިފިއެވެ.
ފުލުހުން ބުނީ، އޯޓީޕީ ހޯދައިގެން މިއަދު މީހެއްގެ އެކައުންޓުން 500،000 ރުފިޔާ ހޯދި މައްސަލައެއް ފުލުހުންނަށް ހުށަޅާފައިވާ ކަމަށެވެ. އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.
އެ މައްސަލައާ ގުޅިގެން ފުލުހުން މީސްމީޑިއާގައި ކުރި ޕޯސްޓެއްގައި ވަނީ އެއްވެސް މީހަކަށް އޯޓީޕީ ހިއްސާނުކުރާން އެދިފައެވެ. އަދި، އެފަދަ ހީލަތްތަކުގެ ޝިކާރައަކަށް ނުވެ، ބުރަ މަސައްކަތުން ހޯދާ ފައިސާއަށް ރައްކާތެރިވާން ފުލުހުން ވަނީ އެދިފައެވެ.
މީގެ އިތުރުން، ފުލުހުން ބުނީ ފުލެޓެއް ލިބުނު ކަމަށް ބުނެ އެއްވެސް އިދާރާއަކުން އޯޓީޕީއެއް ނުފޮނުވާނެ ކަމަށެވެ.
https://twitter.com/PoliceMv/status/1757316596194787636
އޮޅުވާލައިގެން ފައިސާ ހޯދުމުގެ މައްސަލަތައް މި ފަހުން ވެސް ވަނީ އިތުރުވެފައެވެ. އެގޮތުން، މިދިޔަ ބުރާސްފަތި ދުވަހު ވެސް ފުލެޓެއް ލިބުނު ކަމަށް ބުނެ މީހެއްގެ އަތުން 200،000 ރުފިޔާ ވަނީ ފޭރިގެންފައެވެ.
