ވާނުވާ ބަންދު އުވާލަން ގޮވާލާ މާދަމާ އިހުތިޖާޖެއް ބޭއްވުމަށް ނިންމައިފިއެވެ.
މޯލްޑިވްސް ހިއުމަން ރައިޓްސް ޑިޓައިނީސް ވޮޗް އިން ބުނީ ރައީސް ޑރ. މުޙައްމަދު މުޢިއްޒުގެ ވައުދާއި އެއްގޮތައް ވާނުވާ ބަންދު އުވާލައި، އަދި ކުށެއް ސާބިތު ނުވެ ވަކި ގޮތެއް ނުނިންމައި ބައިތިއްބާ ބޭތިއްބުން ނިމުމަކަށް ގެނައުން އަވަސް ކުރުމަށް ގޮވާލައި މާދަމާ ހަވީރު އިހުތިޖާޖެއް އޮންނާނެ ކަމަށެވެ.
މި އިހުތިޖާޖު އޮންނާނީ މާދަމާ ހަވީރު 4:15 ގައި ރަސްފަންނުގައި ކަމަށް އެ ޖަމިއްޔާ އިން ބުނެ އެވެ.
ރާއްޖޭގެ ޖަލުތަކުގައި ވާނުވާ ޖަހާފައި ތިބި އެތައް ބަޔަކު އެބަތިބިކަން ފާހަގަކުރައްވަމުން ރައީސް ވިދާޅުވީ އެކަން ނިމުމަކަށް ގެންނާނެ ކަމަށާއި އެ މަސައްކަތް މިމަހު ފެށިގެންދާނެ ކަމަށެވެ.
+1
1
+1
+1
1
+1
+1
+1
1
