ރައީސް ސޯލިހުގެ ނައިބު ރައީސް ފައިސަލް ނަސީމް އެމްޑީޕީއަށް ސޮއި ކުރެއްވީ އެމްޑީޕީ އޮފީހުގައި ބޭއްވި ރަސްމިއްޔާތެއްގައި މިއަދު މެންދުރު އެވެ. ފައިސަލް ސޮއި ކުރެއްވި ރަސްމިއްޔާތުގައި ރައީސް ސޯލިހުގެ އިތުރުން އެމްޑީޕީގެ ރައީސްކަމަށް އިންތިހާބުކޮށްފައިވާ ކުރީގެ ފޮރިން މިނިސްޓަރު އަބުދުﷲ ޝާހިދު އާއި އެމްޑީޕީގެ ޗެއާޕާސަން ފައްޔާޒު އިސްމާއިލުގެ އިތުރު އެމްޑީޕީ ޕާލަމެންޓްރީ ގްރޫޕުގެ ލީޑަރު މުހައްމަދު ރަޝީދު (ބިގޭ) ބައިވެރިވެވަޑައިގެންނެވި އެވެ.
ރައީސް ސޯލިހުގެ އެޑްމިނިސްޓްރޭޝަނަން ނިމުމަކަށް އައި ފަހު ފައިސަލް ގެންދަވަނީ އެމްޑީޕީއާ އެކު ގުޅިގެން މަސައްކަތް ކުރައްވަމުންނެވެ. އެންމެ ފަހުން މާލޭ މޭޔަރު ހޮވުމަށް ބޭއްވި އިންތިހާބުގައި އެމްޑީޕީގެ ކެންޑިޑޭޓް އަދި އެމްޓީސީސީގެ ކުރީގެ ސީއީއޯ އާދަމް އާޒިމުގެ ކެމްޕެއިންގައި ވަރަށް ބޮޑަށް ބައިވެރިވެވަޑައިގެންނެވި އެވެ.
