އެމެރިކާގެ 47 ވަނަ ރައީސްކަމުގެ ހުވާ ޑޮނަލްޑް ޓްރަމްޕް ދާދި ދެންމެއަކު ކުރައްވައިފި އެވެ.
ޓްރަމްޕް ހުވާ ކުރެއްވީ އެމެރިކާގެ ގާނޫނު ހަދާ މަޖިލިސް، ކެޕިޓަލް ބިލްޑިންގެ އެތެރޭގައި ބޭއްވި ރަސްމިއްޔާތެއްގަ އެވެ. ޓްރަމްޕަށް ހުވާލައިދެއްވީ އެގައުމުގެ އުއްތަމަ ފަނޑިޔާރު ޖޯން ރޮބަޓްސް އެވެ.
އުމުރުފުޅުން 78 އަހަރުގެ ޓްރަމްޕަކީ އެމެރިކާގެ ރައީސްކަމުގެ މަގާމާއި ހަވާލުވެވަޑައިގެންނެވި 47 ވަނަ ފަރާތެވެ.
ޓްރަމްޕަކީ، 1890 ވަނަ އަހަރުގެ ފަހުން، ރިޔާސީ އިންތިހާބަކުން ނާކާމިޔާބުވެވަޑައިގެންނެވުމަށްފަހު، ދެވަނަ ދައުރަކަށް ރައީސްކަމުގެ ހުވާ ކުރެއްވި ފުރަތަމަ ރައީސެވެ.މިއީ ޓްރަމްޕްް އެމެރިކާގެ ރައީސްކަން ކުރައްވާ ދެވަނަ ފަހަރެވެ. ޓްރަމްޕް އެމެރިކާގެ ރައީސްކަން ފުރަތަމަ ކުރެއްވީ 2016-2020 އަށެވެ.
މި ރަސްމިއްޔާތުގައި، ޓްރަމްޕްގެ މި ރަސްމިއްޔާތުގައި ޓްރަމްޕްގެ ރަނިން މޭޓު، ޖޭޑީ ވާންސް ވަނީ ނައިބު ރައީސްކަމުގެ ހުވާކުރައްވައިފަ އެވެ.
