ނޯރާ ފަތޭހީ އަކީ ބޮލީވުޑްގައި އެކްޓްރެސްއަކަށް އެންމެ ގިނަ ބަޔަކު ލޯބިކުރާ އެކެކެވެ. އޭނާގެ ނެށުމުގެ ހުނަރު ކަމުގައި ވިޔަސް އަދި އެކްޓިން ދާއިރާ ކަމުގައިވިއަސް ނޯރާގެ ފަރި ހަރަކާތްތަކުން ގިނަ ބައެއްގެ ލޯބި އޭނާއަށް ވަނީ ލިބިފައެވެ. ބެލީ ޑާންސަށް މަޝްހޫރު ނޯރާ އަށް ވަނީ ދުނިޔޭގެ މަޝްހޫރު ލަވަކިޔުންތެރިން ކަމަށްވާ ޖެނިފާ ލޮޕޭޒާއި ޝަކީރާއާއި އެއް ހަމައެއްގައި ފައިތިލަ ސާބިތު ކުރަން ފުރުސަތު ލިބިފައެވެ. މިފަހަރުގެ ފީފާ ވޯލްޑް ކަޕް 2022 ގައި ޕާފޯމް ކުރަން ނޯރާ ވަނީ ހަމަޖެހިފައެވެ. އެހެންކަމުން ނޯރާ ވެފައިވަނީ ނޮވެމްބަރު މަހު ފީފާ ވޯލްޑް ސްޓޭޖުގައި އިންޑިއާ އާއި ޚާއްސަކޮށް ދެކުނު އިރުމަތީ އޭޝިއާ ތަމްސީލުކުރި ހަމައެކަނި އެކްޓަރަށެވެ.
އެ ލަވައިގައި ނޯރާގެ ލަވަ ކިޔުމާއި ޕާފޯމެންސް ފެނިގެންދާނެ އެވެ. މިފަހަރުގެ ފީފާ ލަވަ ޕްރޮޑިއުސްކށްފައިވަނީ ރެޑްވަން އިން ނެވެ. އެއީ މީގެ ކުރީގެ ފީފާ ވޯލްކަޕްގެ ލަވަ ޝަކީރާގެ ވާކާ ވާކާ އާއި ލާ ލާ ލާ ވެސް ޕްރޮޑިއުސްކޮށްފައިވާ ފަރާތެވެ.
މިފަހަރުގެ ފީފާ ލަވައިގައި ހިންދީ ބަހުން ވެސް ނޯރާ ލަވަ ކިޔައި ޕާފޯމް ކުރާނެއެވެ.
އަންނަ ނޮވެމްބަރު މަހުގައި އޮންނަ ވޯލްޑްކަޕް ލަވައަށް ނޯރާ ތައްޔާރުވަމުންދާއިރު އޭނާ މިވަގުތު ހުރީ ކަރަން ޖޯހަރާއި މަދޫރީ ދިކްސިތު އާއެކު ޑާންސް ރިއަލިޓީ ޝޯ ޖަލަކް ދިޚްލާޖާ10ގެ ޖަޖެއްގެ ގޮތުގަ އެވެ.
ބޮލީވުޑްގެ ކުރިއަށް އޮތް ފިލްމު، "ތޭންކް ގޯޑް" ގެ ފުރަތަމަ ލަވަކަމަށްވާ މުޅި ދުނިޔޭގައި ވެސް ބޮޑު މަގްބޫލުކަމެއް ލިބުނު "މަނިކެ"އިން ވެސް ނޯރާ ފެނިގެންދެ އެވެ.
