ކޮވިޑް-19 ގެ ހާލަތާއި ގުޅިގެން އިނގިރޭސިވިލާތުގެ ރައްޔިތުން ދަތުރުކުރުމަށް ރައްކާތެރި ގައުމުތަކުގެ ލިސްޓު (ގްރީން ލިސްޓު) މިއަދު އަޕްޑޭޓު ކުރިއިރު މިފަހަރުވެސް އެލިސްޓުގައި ރާއްޖެ ނުހިމެނުނެވެ.
އިނގިރޭސިވިލާތުގެ ގްރީން ލިސްޓުގައި ރާއްޖެ ހިމެނިފައިނުވާއިރު އެގައުމަކީ ރާއްޖޭގެ އެންމެ ދުވަސްވީ އެއް ފަތުރުވެރިންގެ މާކެޓެވެ. ނިސްބަތުން ގިނަ ފަތުރުވެރިން ކޮންމެ އަހަރަކުވެސް ރާއްޖެއަށް ޒިޔާރާތް ކުރެ އެވެ.
މިއަދު އާންމު ކުރި ލިސްޓުގައި ކޮވިޑުގެ ހާލަތު އެންމެ ގޯސް އެއް ގައުމު، އިންޑިއާވެސް ވަނީ ހިމެނިފަ އެވެ. މީގެ އިތުރުން ބަހުރެއިން، ގަތަރު އަދި ޔޫއޭއީ ފަދަ ގައުމުތައްވެސް ވަނީ ހިމެނިފަ އެވެ.
އިނގިރޭސިވިލާތުގެ ރައްޔިތުން ދަތުރުކުރަން ރައްކާތެރި ނޫން މަންޒިލެއްގެ ގޮތުގައި ރެޑް ލިސްޓުގައި ރާއްޖެ ހިމަނާފައިވާއިރު، އެލިސްޓުން ރާއްޖެ ނެގުމަށް ސަރުކާރުގެ އިސް މަގާމުތަކުގައި ތިއްބަވާ ފަރާތްތަކުން ވަނީ އިނގިރޭސިވިލާތަށް ގޮވާލައިފަ އެވެ.
އެގައުަށް ރާއްޖެއިން ކަނޑައަޅުއްވާފައި ހުންނަވާ ސަފިރު ޑރ. ފަރަހަނާޒް ފައިސަލްވެސް ވަނީ އެކަމާއި ހައިރާންވެވަޑައިގެން ކަންބޮޑުވުންވެސް ފާޅުކުރައްވައިފަ އވެެ.
ރާއްޖެއަކީ އާބާދީގެ ނިސްބަތުން ކޮވިޑް-19 ދިފާއު ވެކްސިން އެންމެ ގިނަ މީހުންނަށް ދީފައިވާ އެއް ގައުމެވެ. އެގޮތުން ވެކްސިން ދެވޭ އުމުރުފުރާގެ 55 އިންސައްތައަށް ވެކްސިންގެ ދެވަނަ ޑޯޒް ދީ، ރާއްޖޭގައި ކޮވިޑުގެ ނުރައްކާތެރިކަން ވަނީ ވަރަށް ބޮޑަށް ކުޑަ ކުރެވިފަ އެވެ.
ރާއްޖޭގެ ކޮވިޑު ހާލަތު ވަރަށް ބޮޑަށް ރަނގަޅުވެފައިވާއިރު އެހެން ގައުމުތަކުގެ ގްރީން ލިސްޓަށް ރާއްޖެ އަރަމުން ދާކަން ފާހަގަކޮށްލެވެ އެވެ.
