ދުނިޔޭގެ އެންމެ ބޮޑު އެއް އެއާލައިން، ގަތަރު އެއާވޭޒްއިން ރާއްޖެއަށް ކުރާ ދަތުރުތައް އިތުރުކުރަން ނިންމައިފި އެވެ.

ގަތަރު އެއާވޭޒް އަކީ މިހާރުވެސް ރާއްޖެއަށް އެންމެ ގިނަ ފަތުރުވެރިން ގެންނަ އެއާލައިނެވެ. އެ އެއާލައިނުން މިހާރު ބާއްވަނީ ހަފްތާއަކު ތިން ފްލައިޓެވެ.
ގަތަރު އެއާވޭޒްއިން ބުނީ އަންނަ އާދިއްތަ ދުވަހުން ފެށިގެން ހަފްތާއަކު ހަތަރު ފްލައިޓު ރާއްޖެއަށް ބާއްވަން ނިންމާފައިވާ ކަމަށެވެ.
ހަމްދާން އިންޓަނޭޝަނަލް އެއާޕޯޓުން ރާއްޖެއަށް ބާއްވާ މި ފްލައިޓްތައް އޮންނާނީ ކޮވިޑް-19 އިން ރައްކާތެރިވުމަށްޓަކައި ގަތަރު އެއާވޭސް އިން އަޅާފައިވާ ރައްކާތެރިކަމުގެ ފިޔަވަޅުތަކާ އެކު އެވެ.
ގަތަރު އެއާވޭޒްގެ އިތުރުން މިހާރު ރާއްޖެއަށް ދަނީ 27 އެއާލައިނަކުން ދަތުރު ކުރަމުންނެވެ.