މަޝްހޫރު ހޮލީވުޑް ފްރެންޗައިޒް "ފާސްޓް އެންޑް ފިއުރިއަސް" ގެ 10 ވަނަ ފިލްމުގައި ރެޕް އާޓިސްޓު ކާޑި ބީ ފެންނާނެ ކަމަށް ރިޕޯޓުތައް ބުނެފި އެވެ.
މީޑިއާތަކުން މިކަން ރިޕޯޓުކޮށްފައިވަނީ އެ ފިލްމުގައި ޑޮމްގެ ރޯލު ކުޅޭ އެކްޓަރު ވިން ޑީސެލްއާއި ހަވާލާ ދީ އެވެ.
ކާޑި ބީ ފިލްމުގައި ފެނިގެން ދާނީ ލޭސާ ގެ ރޯލުންނެވެ. ކާޑި ބީ އާއި ވިން އާ ދެމީހުންގެ ސީންތަކެއް ފިލްމުގައި ހިމެނޭނެ ކަމަށްވެސް ރިޕޯޓުތައް ބުނެ އެވެ.
"ފާސްޓް އެންޑް ފިއުރިއަސް 9" ގައި ކާޑި ބީ ފެނިގެން ދިޔަ ނަމަވެސް އޭނާގެ ރޯލު ވަރަށް ކުޑަ އެވެ. ކުރިއަށް އޮތް ފިލްމުގައި އޭނާގެ ރޯލު ބޮޑުވާނެ ކަމަށް ރިޕޯޓުތައް ބުނެ އެވެ. ކާޑި ބީ ވަނީ އެކަން މީޑިއާއަށް ކަށަވަރުކޮށްދީފަ އެވެ.
ޕޮޕް ސްޓާ ކާޑީ ބީގެ އަލްބަމެއް އެންމެ ފަހުން ރިލީޒް ވީ 2018 ވަނަ އަހަރު އެވެ، "އިންވޭޝަން އޮފް ޕްރައިވެސީ" ގެ ނަމުގައި ރިލީޒްކުރި އެ އަލްބަމަށް ބޮޑު ތަރުހީބެއް ލިބުނެވެ. މިދިޔަ އަހަރު އޭނާ ވަނީ "ވެޕް" ގެ ނަމުގައި ކާމިޔާބު ލަވައެއް ރިލީޒް ކޮށްދަ އެވެ. މީގެ އިތުރުން އޭނާގެ ސޯލޯ ސިންގަލް "އަޕް" ރިލީޒް ކުރީ މިދިޔަ 2020 ވަނަ އަހަރު އެވެ.
