ބޮލީވުޑުގެ މަޝްހޫރު ބަތަލާ ކެޓްރީނާ ކައިފް އާއި ވިކީ ކޯޝުއަލްގެ ކައިވެނީގެ އުފަލުގައި އެންމެ އަގު ބޮޑު ހަދިޔާ ދީފައިވަނީ ކުރީގެ ލޯބިވެރިން ކަމަށް ރިޕޯޓްތައް ބުނެފިއެވެ.
މި ދެތަރިން ކައިވެނިކޮށްފައިވަނީ މިމަހުގެ ނުވަ ވަނަ ދުވަހުއެވެ. ރިޕޯޓްތައް ބުނާ ގޮތުން މިއީ މިއަހަރުގެ މިހާތަނަށް ބޭއްވުނު އެންމެ އަގު ބޮޑު ކައިވެންޏެވެ. ކެޓްގެ ކައިވެނީގެ އުފަލާ ގުޅިގެން ހަދިޔާއެއްގެ ގޮތުން ކުރީގެ ލޯބިވެރިޔާ އަދި ބޮލީވުޑްގެ އެންމެ ނުފޫޒުގަދަ ތަރި ސަލްމާން ހާން ވަނީ 3.5 ކްރޯޑް ރުޕީސްގެ ރޭންޖް ރޯވާ ކާރެއް ދީފައެވެ. ސަލްމާން ހާން އާއި ކެޓްރީނާ ކައިފް ލޯބީގެ ގޮތުން ގުޅިގެން އުޅުނު ކަމަށް ވާހަކަ ދެކެވިފައިވަނީ ހަމައެކަނި މީޑިއާގައެވެ. މިކަމަށް މި ދެތަރިން ރަސްމީ ސިފައެއްގައި އެއްވެސް ޖަވާބެއް ދީފައެއް ނުވެއެވެ. ނަމަވެސް ސަލްމާން އާއި ކެޓްގެ ޖޯޑަކީ ފޭނުންނަށް ވަރަށް ކަމުދާ ވަރަށް ބަލައިގަންނަ ޖޯޑެކެވެ. މިދެތަރިން އެކުގައި ކުޅެފައިވާ ފިލްތަކުގެ ތެރޭގައި އެކްތަރ ޓައިގަރގެ ފިލްމްތަކުގެ އިތުރުން ބާރަތުވެސް ހިމެނެވެ.
މީގެ އިތުރުން ކެޓްގެ ކުރީގެ ލޯބިވެރިޔާ ކަމަށް އަޑު ފެތުރުނު ރަންބީރު ކަޕޫރު ވަނީ 2.7 ކްރޯޑް ރުޕީސްގެ އަގުބޮޑު ޖަވާހިރުގެ ހާރެއްދީފައެވެ. ކެޓް އާއި ވިކީގެ ކައިވެނީގެ އެކި ވާހަކަތައް އިންޑިއާގެ ނޫސްތަކުގެ ފަލަ ސުރުހީއަށް މިހާރު ކޮންމެ ދުވަހަކުވެސް އަރައެވެ.
