ކޮވިޑް19 އާއި ގުޅިގެން މާލެ ސަރަހައްދުގައި އަޅާފައިވާ ފިޔަވަޅު ތަކަށް ޖުލައި އެކަކުން ފެށިގެން ލުއި ތަކެއް ދޭން ނިންމާ އެކަން އިއުލާންކޮށްފި އެވެ.
ރައީސުލްޖުމުހޫރިއްޔާ އިބްރާހިމް މުހައްމަދު ސާލިހް ވިދާޅުވީ، ޖުލައި އެކަކުން ފެށިގެން ކާފިއު ގަޑި ރޭގަނޑު 8 ކުން ފަތިހު ހަތަރަކަށް ބަދަލުވެގެން ދާނެ ކަމަށެވެ. އަދި ކާފިއު ގަޑި ނޫން ވަގުތުގައި ހުއްދައާއި ނުލާ ބޭރުގައި އުޅުމުގެ ފުރުސަތުވެސް ލިބިގެންދާނެ ކަމަށް ރައީސް ވިދާޅުވި އެވެ.
ކާފިއު ގަޑި ނޫން ގަޑި ތަކުގައި ޖުލައި އެއްވަނަ ދުވަހުން ފެށިގެން ހުރިހާ ވިޔަފާރިތަކެއް ހުޅުވާލުމުގެ ފުރުސަތު އޮންނާނެ ކަމަށާއި މިސްކިތްތަކުގައި ޖަމާއަތުގައި ނަމާދު ކުރުމުގެ ހުއްދަ ވެސް ވަނީ ދީފަ އެވެ.
މީގެ އިތުރުން މާލެ ސަރަހައްދުގެ ކެފޭ ރެސްޓޯރަންޓްތަކުގައި ތިބެގެން ކެއުމުގެ ފުރުސަތު ހުޅުވާލާފައިވާއިރު މިފުރުސަތުވެސް އޮންނާނީ ރޭގަނޑު އަށެއް ޖެހުމާއި ހަމައަށް ކަމަށް ރައީސް ވިދާޅުވި އެވެ.
އަދި ކޮވިޑް19 ޖެހި ރަނގަޅުވެފައި ތިބި މީހުން 60 ދުވަސް ވަންދެން ރާއްޖޭގެ ހުރިހާ ތާކަށް ދަތުރުކުރެވޭނެ ކަމަށްވެސް ރައީސް ވިދާޅުވި އެވެ.
