މަޝްހޫރު ތަމިލް ފިލްމު "ރަތުސަސަން" ގެ ހިންދީ ރީމޭކް "މިޝަން ސިންދްރެއްލާ" ގައި ފުލުހެއްގެ ރޯލުން ފެންނާނީ މަޝްހޫރު އެކްޓަރު އަކްޝޭ ކުމާރު ކަމަށް ރިޕޯޓުތައް ބުނެފި އެވެ.
މި ފިލްމު ޑައިރެކްޓު ކުރާނީ މިހާރު ރިލީޒްވާން ތައްޔާރުވަމުންދާ އަކްޝޭގެ ފިލްމު "ބެލް ބޮޓޮމް: ގެ ޑައިރެކްޓަރު ރަންޖިތު ތިވާރީ އެވެ.
"މިޝަން ސިންދްރެއްލާ" އަންނަ އޯގަސްޓުގައި ޝޫޓުކުރަން ހަމަޖެހިފައިވަނީ ލަންޑަނުގަ އެވެ. ގާތްގަނޑަކަށް ދޮޅު މަހެއްހާ ދުވަހަށް ޝޫޓިން ދެމިގެން ދާނެކަމަށް ލަފާ ކުރެވެ އެވެ.
މިއީ އަކްޝޭގެ ތިންވަނަ ރީމޭކެވެ. މީގެ ކުރިން އޭނާ ވަނީ ސައުތު އިންޑިއާގެ "ކަންޗަނާ" ގެ ރީމޭކް "ލަކްޝްމީ" އިން ފެނިގެން ގޮސްފަ އެވެ. މީގެ އިތުރުން ސައުތު އިންޑިއާގެ ފިލްމު "ޖިގަރްތަންޑާ" ގެ ރީމޭކު "ބައްޗަން ޕާންޑޭ" ގެ މަސައްކަތް ވެސް ވަނީ ނިމިފަ އެވެ. އެފިލްމު ވަރަށް އަވަހަށް ރިލީޒްކުރާނެ ކަމަށް ބެލެވެ އެވެ.
"މިޝަން ސިންދްރެއްލާ" ގައި ބަތަލާގެ ރޯލުން ފެންނާނީ ރަކުލް ޕްރީތު ސިންގް އެވެ. މިއީ ރަކުލްއާއިއެކު އަކްޝޭ ކުރާނެ ފުރަތަމަ މަސައްކަތެވެ.
