ހުޅުމާލެ ދެވަނަފިޔަވަހީގައި ހަދާފައިވާ ހިޔާ ފްލެޓްތަކަށް ކަރަންޓު ދިނުމަށް ބަހައްޓާފައި ހުރި 17 ޓްރާންސްފޯމަރަށް ސްޓެލްކޯ އިން ކަރަންޓް ގުޅާލައިފި އެވެ.
ސްޓެލްކޯއިން ބުނީ ހުޅުމާލޭ ދެވަނަފިޔަވަހީގެ މީޑިއަމް ވޯލްޓޭޖް ނެޓްވޯކް އެނަޖައިޒް ކުރެވި، މިހާރު ވަނީ ހިޔާ ފްލެޓްތަކަށް ކަރަންޓު ދިނުމަށް ބަހައްޓާފައިވާ ޓްރާންސްފޯމަރުތައް ލައިވް ކުރެވިފައި ކަމަށެވެ. ހުޅުމާލޭ ދެވަނަ ފިޔަވަހީގައި ހުރި ހިޔާގެ ކޮންމެ ފްލެޓަކަށް ސްޓެލްކޯއިން ޓްރާންސްފޯމަރެއް ބަހައްޓާފައިވެއެވެ.
މީގެ އިތުރަށް އެއް ޓްރާންސްފޯމަރު ބަހައްޓާފައިވާ ކަމަށް ސްޓެލްކޯއިން މައުލޫމާތުދެއެވެ.
ޓްރާންސްފޯމަރުން ކޮންމެ ޓަވަރަކުން 10 ކޭބަލް އެޅުމަށް ވަނީ ހަމަޖެހިފައެވެ. އަދި ޖުމުލަ 188 ކޭބަލް އަޅަން ޖެހޭ ކަމަށް ސްޓެލްކޯއިން ހާމަކުރެއެވެ. އޭގެ ފަހުން ޓަވަރުތަކުގައި ހުރި ފްލެޓްތަކަށް ކަރަންޓް ލިބިގެން ދާނެ އެވެ.
