ހާލަތު ބެއްލެވުމަށް ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ހދ އަތޮޅުގެ ތިން ރަށަކަށް ވަޑައިގަތުމަށް ހަމަޖެހިއްޖެއެވެ.
ރައީސް އޮފީހުން ބުނީ، ހދ އަތޮޅުގެ ބައެއް ރަށްތަކަށް ކުރައްވާ ދަތުރުފުޅެއްގައި މި މަހުގެ 16 ވަނަ ދުވަހު ރައީސް ފުރާވަޑައިގަންނަވާނެ ކަމަށެވެ. އަދި ރައީސްގެ މިދަތުރުފުޅު ނިންމަވާލެއްވުމަށް ހަމަޖެހިފައިވަނީ ޖުލައި 18ވަނަ ދުވަހުއެވެ. ރައީސްގެ ސިޔާސަތަކީ ރައްޔިތުންނާ ގާތުން މަސައްކަތްކޮށް ކައުންސިލްތަކުގެ ބައިވެރިވުމާ އެކު ތަރައްގީގެ މަޝްރޫއުތަކާއި ހިދުމަތްތައް ފޯރުކޮށްދިނުން ކަމަށްވެސް ރައީސް އޮފީހުން ހާމަކުރެއެވެ.
ރައީސް ވަޑައިގެންނެވުމަށް ހަމަޖެހިފައިވަނީ ކުޅުދުއްފުށި ސިޓީ އާއި ހދ. ކުމުންދޫ އަދި ހދ. ހަނިމާދޫ އަށެވެ. ނަމަވެސް ރައީސްގެ މި ދަތުރުފުޅާ ގުޅޭ އިތުރު ތަފްސީލެއް ރައީސް އޮފީހުން އަދި ހާމައެއް ނުކުރެއެވެ.
+1
+1
+1
+1
+1
+1
