ރާއްޖޭގެ މަޝްހޫރު ޑައިރެކްޓަރު އިލިޔާސް ވަހީދުގެ ކުރު ފިލްމު ސީރީޒް "މަޒްލޫމް" ގެ ޓީޒާ ދައްކާލައިފި އެވެ.
"މަޒްލޫމް" އަކީ 45 ގެ ކުރު ފިލްމެކެވެ. މީގެ ކުރިން އިލިޔާސް ހާމަކުރި ގޮތުގައި އެކި ޗެޕްޓާތަކަށް ބަހާލައިގެން މި ސީރީޒް ގެނަސްދޭނެ އެވެ. އިއްޔެ ދައްކައިލީ ފުރަތަމަ ޗެޕްޓާގެ ޓީޒާ އެވެ.
ފުރަތަމަ ޗެޕްޓާގައި މުހިންމު ރޯލުތަކުން ފެންނަނީ ނުޒުހަތު ޝުއައިބު، އަހުމަދު އިފްނާޒު ފިރާގު، ޝަރަފް އަބްދުﷲ، އަހުމަދު ޝާރިފްގެ އިތުރުން ވާޝިޔާ މުހައްމަދު އެވެ. މި ޗެޕްޓާގައި ކިޔައިދެނީ ޜޭޕްގެ ވާހަކަތަކެކެވެ.
#Mazloom coming soon to Baiskoafu.
Directed by: @ilyaswaheed @ifilmsMv pic.twitter.com/kJ8k7tzsB4
— Baiskoafu (@baiskoafu) July 20, 2021
ބައިސްކޯފުގައި ސްޓްރީމް ކުރަން ނިންމާފައިވާ "މަޒްލޫމް" އަކީ އައިފިލްމްސް އާއި ކަޒްމިކް އިންޓަނޭޝަނަލްއިން އުފައްދާ ކުރުފިލްމެކެވެ.
ކަޒްމިކްގެ ސޯޝަލް މީޑިއާގައި މީގެ ކުރިން ހާމަކުރި ގޮތުގައި "މަޒްލޫމް" ގެ ދެވަނަ ޗެޕްޓާގެ ޝޫޓިންވެސް މިހާރު ވަނީ ނިންމާލައިފަ އެވެ. އެހެންނަމަވެސް އެ ޗެޕްޓާގެ އެއްވެސް ތަފްސީލެއް މިހާތަނަށް ހާމައެއް ނުކުރެ އެވެ.
"މަޒްލޫމް" ސްޓްރީމް ކުރަން ފަށާނެ ސީދާ ތާރީހެއް މިހާތަނަށް ހާމަކޮށްފައެއް ނުވެ އެވެ.
