ރާއްޖެއިން އިތުރު 1،080 މީހުން ވެކްސިންގެ ދެ ވަނަ ޑޯޒް ޖަހައިފިއެވެ.
ހުކުރު ދުވަހު ވެކްސިންގެ ދެވަނަ ޑޯޒް ޖަހާފައިވަނީ މުޅިންވެސް އަތޮޅު ތެރެއިންނެވެ. އެގޮތުން 1،080 މީހުން ވަނީ މުޅި ރާއްޖެއިން އެ ދުވަހު ދެ ވަނަ ޑޯޒް ޖަހައިފައެވެ. ހުކުރު ދުވަހު ފުރަތަމަ ޑޯޒް ޖަހާފައިވަނީ 79 މީހުންނެވެ. މީގެ ތެރޭގައި ހިމެނެނީ އަތޮޅު ތެރެއިން ވެކްސިން ޖެހި މީހުންނެވެ.
މާލެ ސަރަހައްދުގައި ހުކުރު ދުވަހު ވެކްސިނޭޝަން ސެންޓަރުތައް ބަންދުވާނެއެވެ. މުޅި ރާއްޖެއިން ވެކްސިން ޖަހާފައިވަނީ 392،966 މީހުންނެވެ. މީގެ ތެރެއިން ވެކްސިންގެ ދެ ޑޯޒް ފުރިހަމަކޮށްފައިވަނީ 345،203 މީހުންނެވެ.
ރާއްޖޭގައި ބޭނުންކުރަނީ ކޮވިޝީލްޑް، ފައިޒަރ އަދި ސިނޮފާމް ވެކްސިންނެވެ.
+1
+1
+1
+1
+1
+1
