ރާއްޖެއިން މިއަދު ކޮވިޑަށް ޕޮޒިޓިވްވީ 71 މީހުން ކަމަށް ހެލްތް ޕްރޮޓެކްޝަން އެޖެންސީގެ ތަފާސް ހިސާބުތަކުން ދައްކައިފިއެވެ. މާލެ ސަރަހައްދުން މިއަދު ޕޮޒިޓިވްވީ 22 މީހުންނެވެ. އަތޮޅު ތެރެއިން މިއަދު ޕޮޒިޓިވްވީ 43 މީހުންނެވެ. ރިސޯޓްތަކުން ޕޮޒިޓިވްވީ 6 މީހުންނެވެ. ރާއްޖެއިން މިހާތަނަށް ކޮވިޑަށް ޕޮޒިޓިވްވެފައިވަނީ 85،465 މީހުންނެވެ. މިހާރު ކޮވިޑަށް ރާއްޖެއިން ފަރުވާ ދެމުންދަނީ 1،264 މީހުންނެވެ. މިހާތަނަށް ރާއްޖެއިން 234 މީހުން ވަނީ މިބަލީގައި ނިޔާވެފައެވެ. މިހާތަނަށް 83،954 މީހުން ވަނީ މިބަލިން ފަސޭހަވެފައެވެ.

ކޮވިޑް 19 އަށް ފަރުވާދެމުންދިޔަ އަންހެނަކު ނިޔާވެއްޖެއެވެ. ހެލްތް ޕްރޮޓެކްޝަން އެޖެންސީން ބުނީ މިއަދު ނިޔާވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ މީހެއް ކަމަށެވެ. މިމީހާއަކީ އުމުރުން 72 އަހަރުގެ އަންހެނެކެވެ. މިއާއެކު ރާއްޖެއިން މިބަލީގައި ނިޔާވި މީހުންގެ އަދަދު ވަނީ 234 އަށް އަރާފައެވެ. ކޮވިޑަށް ފަރުވާދެމުން ދަނިކޮށް އިއްޔެވެސް ވަނީ މީހަކު ނިޔާވެފައެވެ. އިއްޔެ ނިޔާވީ އައްޑޫ ކޮވިޑް ފެސިލިޓީގައި ފަރުވާދެމުންދިޔަ އުމުރުން 97 އަހަރުގެ މީހެކެވެ. އެޗްޕީއޭގެ ތަފާސް ހިސާބަށް ބަލާއިރު ހޮސްޕިޓަލްތަކުގައި…