ކަނޑުގެ މަގުން ރާއްޖެ އެތެރެކުރަން އުޅުނު ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސް ސަރވިސް އިން އަތުލައިގެންފިއެވެ. ކަސްޓަމްސް އިން ބުނީ މި ތަކެތީގެ ޖުމުލަ ބަރުދަނުގައި 3.5 ކިލޯގްރާމް ހުންނާނެ ކަމަށާއި، މި ތަކެތީގެ މަގުމަތީ އަގަކީ 6.7 މިލިއަން ރުފިޔާ ކަމަށެވެ. މިގޮތުން ކަސްޓަމްސް އިން އަތުލައިގަތް މަސްތުވާތަކެތީގެ ތެރޭގައި 2،138 ގުރާމުގެ މެތަމްފެޓަމިނާއި، 1،086 ގުރާމުގެ ކެޓަމިން އަދި 310 ގުރާމުގެ ހެރޮއިން ހިމެނެއެވެ. މި ތަކެތި އަތުލައިގެންފައިވަނީ މާލޭ ކޮމާޝަލް ހާބަރުންނެވެ.

ލ. އިސްދޫގެ 245 ގެއެއްގައި ފެނުގެ ޚިދުމަތް ޤާއިމްކުރެވިފައިވާ ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ބުނެފިއެވެ. އެ ވުޒާރާއިން މިއަދު ބުނީ އިސްދޫގައި ކުރިއަށްގެންދިޔަ ފެނުގެ މަޝްރޫޢުގެ މަސައްކަތްތައް ނިމި، އޮޕަރޭޓަރާއި ޙަވާލުކުރެވިފައިވާ ކަމަށާއި، މި މަޝްރޫޢުގެ ދަށުން މިހާރު ދަނީ ޑިފެކްޓްސް ލައަބިލިޓީ ޕީރިއަޑްގެ ދަށުން ރައްޔިތުންނަށް ޚިދުމަތް ފޯރުކޮށްދެމުން ކަމަށެވެ. މި މަޝްރޫޢަކީ އިންޑިއާގެ އެގްޒިމް ބޭންކުގެ ފައިނޭންސިންގގެ ދަށުން ކުރިއަށް ގެންދެވުނު މަޝްރޫޢެކެވެ. މަޝްރޫޢުގެ މަސައްކަތްތައް ކުރިއަށް ގެންގޮސްފައިވަނީ އެސް.އެމް.ސީ…