މިއީ ބައިބައިނުވެ އެންމެން ގުޅިގެން ގައުމު އިސްކުރުމުގެ މުހިއްމު މަސައްކަތް ކުރަން މަޖުބޫރުވެފައި އޮތް ވަގުތެއް ކަމަށް ޕްރޮފެސަރ ހަސަން އުގައިލް ވިދާޅުވެއްޖެއެވެ.
ރަހީނުކުރުމަށްފަހު މަރާލާފައިވާ 13 އަހަރުގެ ކުއްޖަކު ފެނުމާއި ގުޅިގެން އެކަމަށް އިޝާރާތް ކުރައްވާ އުގައިލް ކުރެއްވި ޓުވީޓެއްގައި ވިދާޅުވެފައިވަނީ، މިއަދު ލިބިގެންދިޔައީ ހިންހަލާކުވާފަދަ ހަބަރެއް ކަމަށެވެ. އަދި މިއީ ނުކިއްސަރު ދިމާލަކަށް ގައުމުގެ މިސްރާބު ހުރިކަމުގެ ބޮޑު ހެއްކެއް ކަމަށެވެ. އުގައިލްގެ ޓުވީޓްގައި މިކުށުގެ ބައިވެރިން ހިފާ ހައްޔަރުކޮށް އަދަބު ދިނުމަކުން އަދި ނުފެދޭނެ ކަމަށް ބުނެފައިވެއެވެ.
އެގޮތުން މިފަދަ މުސީބާތތްތަކުން އަރައިގަނެވޭނީ އެންމެން ގުޅިގެން ގިނަ ގުނަ މަސައްކަތްތަކެއް ކުރެވިގެން ކަމަށް ވިދާޅުވިވެފައިވެއެވެ. އެހެންކަމުން މިވަގުތަކީ ބައިބައިވުންތަކުން ދުރުވެ އެންމެ ގުޅިގެން ގައުމު އިސްކުރުމުގެ މުހިންމު ވަގުތު ކަމަށް އުގައިލް ވިދާޅުވެފައިވެއެވެ.
މަރާލުމަށްފަހު ފޮއްޓަކަށްލާ އެއްލާލައިފާވާ ކުއްޖާގެ މަރުގެ މައްސަލާގައި މިހާތަނަށް ފުލުހުން ވަނީ ދެމީހަކު ހައްޔަރު ކޮށްފައެވެ.
