ވައިން އިއާދަކުރަނިވި ހަކަތަ އުފެއްދުމުގެ ޕައިލެޓް ސިސްޓަމެއް ނ. މަނަދޫގައި ގާއިމުކުރަން ނިންމައިފި އެވެ.
މިއީ ދިވެހި ސަރުކާރުން އޭޝިއަން ޑިވެލޮޕްމަންޓް ބޭންކް (އޭޑީބީ) ގެ އެހީގައި ހިންގަމުންދާ އެކްސެލެރޭޓިން ސަސްޓެއިނެބަލް ސިސްޓަމް ޑިވެލޮޕްމަންޓް ޔޫސިން ރިނިއުބަލް އެނާޖީ (އެޝުއާ) ޕްރޮޖެކްޓްގެ ދަށުން ގާއިމުކުރާ ސިސްޓަމެކެވެ.
ފިނޭންސް މިނިސްޓްރީން ވަނީ މި ސިސްޓަމް މަނަދޫގައި ގާއިމުކުރުމުގެ މަސައްކަތަށް ބީލަން ހުށަހެޅުމުގެ ފުރުސަތު ޝަރުތު ހަމަވާ ހުރިހާ ފަރާތްތަކަށް ހުޅުވާލާފަ އެވެ.
މި މަޝްރޫއަކީ އޯޕަން ކޮމްޕެޓިޓިވް ބިޑިން އުސޫލުގެ މަތިން އޭޑީބީގެ ސިންގަލް ސްޓޭޖް ޓޫ އެންވެލޮޕް އުސޫލުން ބީލަންކުރުމަށް ހަމަޖެހިފައިވާ ޕްރޮޖެކްޓެކެވެ.
މަޝްރޫއުގެ ޕްރީބިޑް ބައްދަލުވުން އަންނަ މަހުގެ އަށްވަނަ ދުވަހު ބާއްވާއިރު ބީލަން ހުޅުވުން އޮންނާނީ އަންނަ އަހަރުގެ ފެބްރުއަރީ 10 ވަނަ ދުވަހު އެވެ.
