މިއަދު އަލަށް ކޮވިޑް ވެކްސިންގެ ދެވަނަ ޑޯޒް ޖެހީ 653 މީހުން ކަމަށް އެޗްޕީއޭއިން ހާމަކޮށްފިއެވެ.
ހެލްތް ޕްރޮޓެކްޝަން އެޖެންސީން ހާމަކޮށްފައިވާ ތަފާސް ހިސާބުތައް ދައްކާގޮތުން މިއަދާ ހަމައަށް 315،620 މީހުން ވަނީ ކޮވިޑް ވެކްސިން ޖަހާފައެވެ. މީގެ ތެރޭގައި ދެވަނަ ޑޯޒް ޖެހި މީހުންގެ އަދަދު ވަނީ 184،865 އަށް އަރާފައެވެ. މިއަދު އެކަނިވެސް ވަނީ 653 މީހުން ވެކްސިންގެ ދެވަނަ ޑޯޒް ޖަހާފައެވެ. އަދި ވެކްސިންގެ ފުރަތަމަ ޑޯޒް ޖަހާފައިވަނީ 223 މީހުންނެވެ.
މާލެ ސަރަހައްދުން ދެވަނަ ޑޯޒް ޖެހީ 199 މީހުންނެވެ. އަތޮޅު ތެރެއިން ދެވަނަ ޑޯޒް ޖެހީ 454 މީހުންނެވެ. ވެކްސިންގެ ފުރަތަމަ ޑޯޒް މާލެ ސަރަހައްދުން ޖަހާފައިވަނީ 98 މީހުންނެވެ. އަތޮޅު ތެރެއިން ވެކްސިންގެ ފުރަތަމަ ޑޯޒް ޖެހީ 125 މީހުންނެވެ.
މިހާރު ރާއްޖޭގައި ޖަހަމުން ދަނީ ސިނޮފާމްގެ ދެ ޑޯޒެވެ.
+1
+1
+1
+1
+1
+1
