މަގުމަތީ ހުންނަ ބާ ސައިކަލުތައް ނަގަން މަޝްވަރާކޮށްފި

މާލޭގެ މަގުތަކުގައި ހުންނަ ބާ ސައިކަލުތައް ނެގުމުގެ ހާއްސަ އޮޕަރޭޝަނެއް ހިންގުމަށް މާލެ ސިޓީ ކައުންސިލުން މަސައްކަތްފަށައިފިއެވެ.

އެގޮތުން މާޅޭގެ މަގުތަކަށް ދޫކޮށްލާފަ ހުންނަ ބާވެ ބޭނުން ނުކުރެވޭ ވެހިކަލްތައް ނެގުމުގެ ހާއްސަ އޮޕަރޭޝަން އެއް ހިންގުމަށް ނިންމާ ކަމާބެހޭ ފަރާތްތަކާއެކު މާލެ ސިޓީގެ މޭޔަރު ވަނީ މަޝްވަރާ ކުރައްވާފައެވެ.

މިބައްދަލުވުމުގައި ފުލުހުންނާއި، ޓްރާންސްޕޯޓް މިނިސްޓްރީ އާއި ހައުސިން މިނިސްޓްރީންވެސް ބައިވެރިވެފައިވެ އެވެ. މިމަސައްކަތް ފަށާނެ ތާރީހެއް މާލެ ސިޓީ ކައުންސިލުން އަދި ހާމަކޮށްފައި ނުވާއިރު މާލޭގެ އެކި ސަރަހައްދުތަކުގައި ބައިވެ ހަލާކުވެފައިވާ ގިނަ އަދަދެއްގެ ސައިކަލުތައް ހުރިކަން ފާހަގަކުރެވެއެވެ. އެހެންކަމުން މިމަސައްކަތަކީ މުހިންމު މަސައްކަތަކަށް ވެގެންދާނެއެވެ.