ކޮވިޑް19 ހަލުވި ކަމާއެކު ފެތުރެން ފެށުމުން މާލެ ސަރަހައްދުގައި ފިޔަވަޅުތައް ވަރުގަދަ ކޮށްފައިވާއިރު ކޮވިޑް ޕޮޒިޓިވް ރޭޓް ސަތޭކަ އަށްވުރެ ދަށްވެފައި ވާތާ ހަފްތާއަކަށްވުރެ ގިނަ ދުވަސް ވެގެން ދިޔައީއެވެ.
އަދި ކޮވިޑް ޖެހިގެން ނިޔާވާމީހުންގެ އަދަދުވެސް ވަނީ ބޮޑު ތަނުން ދަށްވެފައެވެ. ހަލުވިކަމާއެކު މާލެ ސަރަހައްދުގައި ކޮވިޑް19 ފެތުރެން ފެށުމުން ފިޔަވަޅުތައް ވަރުގަދަ ކޮށްފައިވަނީ މެއި މަހުގެ ތެރޭގައެވެ. އޭރު ޕޮޒިޓިވް ރޭޓް ހާހުން މައްޗަށް އަރައިގެން ދިޔައެވެ.
ނަމަވެސް އިއްޔެވެސް މާލެއިން ޕޮޒިޓިވްވެފައިވަނީ 30 މީހުންނެވެ. މުޅި ރާއްޖެއިން އިއްޔެ ޕޮޒިޓިވްވީ 150 މީހުންނެވެ.
ހުކުރު ދުވަހު މާލެ ސަރަހައްދުން ޕޮޮޒިޓިވްވެފައިވަނީ 41 މީހުންނެވެ. މުޅި ރާއްޖެއިން އެދުވަހު ޕޮޒިޓިވްވީ 266 މީހުންނެވެ.
މިހާތަނަށް މިބައްޔަށް ރާއްޖެއިން ޕޮޒިޓިވްވެފައިވަނީ 73،094 މީހުންނެވެ. ބަލިން ރަނގަޅުވެފައިވަނީ 68،806 މީހުންނެވެ.
