އެއްލައްކަ އަށްޑިހަ އަށްހާސް މީހުން ވެކްސިންގެ ދެ ޑޯޒް ޖަހައިފި

އެއްލައްކަ އަށްޑިހަ އަށްހާސް މީހުން ކޮވިޑް19 ދިފާއު ވެކްސިންގެ ދެ ޑޯޒް ފުރިހަމަ ކޮށްފިއެވެ.

ހެލްތް ޕްރޮޓެކްޝަން އެޖެންސީގެ ތަފާސް ހިސާބުތައް ދައްކާގޮތުން ވެކްސިންގެ ދެވަނަ ޑޯޒް ޖަހާފައިވަނީ 1052 މީހުންނެވެ. ވެކްސިންގެ ފުރަތަމަ ޑޯޒް ޖަހާފައިވަނީ 236 މީހުންނެވެ. މާލެ ސަރަހައްދުން އިއްޔެ ވެކްސިންގެ ފުރަތަމަ ޑޯޒް ޖެހީ 86 މީހުންނެވެ. އަތޮޅު ތެރެއިން ފުރަތަމަ ޑޯޒް ޖެހީ 150 މީހުންނެވެ.

ވެކްސިންގެ ދެވަނަ ޑޯޒް މާލެ ސަރަހައްދުން ޖަހައިފަވަނީ 246 މީހުންނެވެ. އަތޮޅު ތެރެއިން ދެވަނަ ޑޯޒް ޖެހީ 806 މީހުންނެވެ. މިހާތަަނަށް ޖުމުލަ ވެކްސިން ޖަހާފައިވަނީ 316،497 މީހުންނެވެ. ދެވަނަ ޑޯޒް މިހާތަަނަށް ޖަހާފައިވަނީ 188،788 މީހުންނެވެ.