ކޮވިޑް19 އަށް ޕޮޒިޓިވްވެ ރަނގަޅުވެފައި ހުއްޓަސް ދަތުކުރާނަމަ ހާލު ބެލުން ޕޯޓަލްގައި ރަޖިސްޓްރީ ވާންޖެހޭނެ ކަމަށް ހެލެތް ޕްރޮޓެކްޝަން އެޖެންސީ އެޗްޕީއޭއިން ހާމަކޮށްފިއެވެ.
އެޗްޕީއޭއިން އިއުލާންކޮށްފައިވާ ލުއި ތަކުގެ ތެރޭގައި ކޮވިޑްއަށް ޕޮޒިޓިވާ ތާރީހުން ފެށިގެން ސާމްޕަލް ނަގާ ދުވަހުން ފެށިގެން ފަސްދޮޅަސް ދުވަސް ހަމަވެފައި ނުވާނަމަ، ދަތުރުކުރާއިރު ކަރަންޓީނުވާން ނުޖެހުން ނަމަވެސް އެފަދަ ފަރާތްތަކަށް ދަތުރުކުރެވޭނީ ހާލުބެލުން ޕޯޓަލް މެދުވެރިކޮށް ހުއްދަ އަށް އެދި ދަތުރު ކުރުމުގެ ހުއްދަ ލިބުމުން ކަމަށެވެ.
ޖުލައި އެއްވަނަ ދުވަހުން ފެށިގެން މާލެ ސަރަހައްދުގައި އަޅާފައިވާ ފިޔަވަޅުތަކަށް ދިން ލުޔާއެކު ގިނަ ބަޔަކު މިވަނީ ކަންބޮޑުވުން ފާޅުކުރަން ފަށާފައެވެ.
ބައެއް ފަރާތްތަކުން ބުނަމުން ދަނީ އެޗްޕީއޭއިން ކުރިން ބުނެފައިވާ ގޮތަށް ވެކްސިންގެ ދެ ޑޯޒް ފުރިހަމަ ކުރި ފަރާތްތަކަށް ލުއި ނުދިނުމަކީ ވަރަށް ނާއިންސާފުން ކޮށްފައިވާ ކަމެއް ކަމަށެވެ. ސަރުކާރުން ބުނެފައިވަނީ ވެކްސިންގެ ދެ ޑޯޒް ފުރިހަމަ ކުރި ފަރާތްތަކަށް ލުއި ދިނުމަށް މަޝްވަރާތައް ކުރަމުން ދާ ކަމަށެވެ.
