އީދު ދުވަހު ހަވީރު މާލޭ މަގުތަކުގައި ވެހިކަލް ދުއްވުން މަނާ

ސިޓީ ކައުންސިލުން މިއަދު ބުނީ، އެމެޖެންސީ ހާލަތުގައި ދަތުރުކުރާ ވެހިކަލްތަކަށް ދޫކުރާ ހާއްސަ ސްޓިކާ ކައުންސިލްގެ އާންމު ހިދުމަތާއި ބެހޭ ބައި، ތައިސޭކޮށިން ހުކުރު ދުވަހުގެ ހެނދުނު 08:30 އިން 10:30 އަށް އަދި މެންދުރުފަހު 14:00އިން 15:45 އަށް ދޫކުރާނެ ކަމަށެވެ.

ބޮޑު އީދު ދުވަސް ފާހަގަކުރުމުގެ ގޮތުން އެ ދުވަހުގެ ހަވީރު 16:00 އިން 18:00 އަށް މާލޭ ސަރަހައްދުގެ އާންމު ހުރިހާ މަގުތަކުގައި ވެހިކަލް ދުއްވުން މަނާ ވާނެއެވެ.

މަނާކޮށްފައިވާ ގަޑީގައި އުޅަނދު ދުއްވާ ފަރާތްތަކާމެދު ގާނޫނީ ފިޔަވަޅު އަޅާނެ ކަމަށް ކައުންސިލުން ވަނީ ބުނެފައެވެ.