މިއަހަރުގެ ޖޫން މަހުގެ ނިޔަލަށް ހައިކޯޓުން 357 މައްސަލަ ބަލައި ނިންމައިފިއެވެ.
ދިވެހިރާއްޖޭގެ ހައިކޯޓުން އާންމުކޮށްފައިވާ މި އަހަރުގެ ފުރަތަމަ 6 މަސް ދުވަހުގެ ތަފާސް ހިސާބުތައް ދައްކާގޮތުން ހައިކޯޓުން މިދިޔަ ހަމަސް ދުވަހުގެ ތެރޭގައި އެންމެގިނަ މައްސަލަތައް ނިންމާފައިވަނީ މާޗްމަހުގެ ތެރޭގައެވެ. އެގޮތުން މާރޗްމަހު 100 މައްސަލަ ނިންމާފައިވާއިރު، ދެން އެންމެ ގިނަ މައްސަލަ ނިންމާފައިވަނީ ޖޫން މަހުގެ ތެރޭގައެވެ. ކޮވިޑްގެ ނުރައްކާ އެންމެ ބޮޑުވެގެންދިޔަ އޭޕްރީލް މަހާއި، މެއި މަހު އެކޯޓުންވަނީ 69 މައްސަލަ ނިންމާފައެވެ.
އޭޕްރީލް މަހުގެ ފަހުކޮޅުންފެށިގެން އެކޯޓުން ޝަރީއަތްތައް ކުރިއަށްގެންދިޔައީ މުޅިންވެސް އޮންލައިންކޮށެވެ. މިއީ ކޮވިޑް19 ހަލުވި ކަމާއެކު ފެތުރި ނުރައްކާ ބޮޑުވުމުން މާލެ ސަރަހައްދުގައި އެޅި ހަރުކަށި ފިޔަވަޅުތަކުގެ ސަބަބުން ނިންމި ނިންމުމެކެވެ.
.
