ހއ އަތޮޅުން ފެށިގެން ތ އަތޮޅަށް ހުދު ސަމާލު ނެރެފިއެވެ.
މެޓު އޮފީހުން ބުނީ ގަޑިއަކު 19 މޭލާ 24 މޭލާ ދެމެދު ބާރުމިނުގައި ވައިޖެހި ވިލާގަނޑުގައި ގާތްގަނޑަކަށް 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ. ހުދު ސަމާލު ނެރެފައިވަނީ މިއަދުގެ 13:30 އިން 19:30 އަށެވެ.
ވޭތުވެދިޔަ 24 ގަޑިއިރު ރާއްޖެއިން އެންމެ ގިނައިން ވާރެވެހިފައިވާކަމަށް ރެކޯޑުކުރެވިފައިވަނީ އައްޑޫސިޓީ ގަމަށެވެ. އެއީ 60 މިލި ލީޓަރުގެ ވާރެއެވެ.
ރާއްޖޭގެ އުތުރުގެ ސަރަޙައްދުތަކަށް ގަޑިއަކު 12 މޭލާއި 23 މޭލާ ދެމެދުގެ ބާރުމިނެއްގައި ވައިޖެހޭނެކަމަށާ، ދެކުނުގެ ސަރަޙައްދުތަކަށް ގަޑިއަކު 7 މޭލާއި 17 މޭލާ ދެމެދު ބާރު މިނެއްގައި ވައިގަދަވާނެކަމަށް މެޓް އޮފީހުން ވަނީ ލަފާކޮށްފައެވެ. މީގެ އިތުރުން ކޮޅިގަނޑުގައި ގާތްގަނޑަކަށް 45 މޭލަށް ވައިޖެހޭނެކަމަށް ލަފާކުރެވޭކަމަށްވެސް މެޓް އޮފީހުން ހާމަކުރެއެވެ.
