މިއަހަރުގެ މިހާތަނަށް ފަސްލައްކައަށް ވުރެ ގިނަ ފަތުރުވެރިން ރާއްޖެ ޒިޔާރަތްކޮށްފި

މިއަހަރުގެ މިހާތަނަށް ފަސްލައްކަ އަށްވުރެ ގިނަ ފަތުރުވެރިން ރާއްޖެއަށް ޒިޔާރަތްކޮށްފިއެވެ.

ޓުއަރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން އެކެއް ޖެނުއަރީން ފެށިގެން 7 ޖުލައިގެ ނިޔަލަށް ރާއްޖެއަށް ވަނީ 528،157 ފަތުރުވެރިން ވަނީ ރާއްޖެއައިސްފައެވެ. 2020 ވަނަ އަހަރުގެ މިމުއްދަތުގައި ރާއްޖެއައިސްފައިވަނީ 555،494 ފަތުރުވެރިންނެވެ. ޖުލައި މަހުގެ ފުރަތަމަ ހަތް ދުވަހު ރާއްޖެ އައިސްފައިވަނީ 17،608 ފަތުރުވެރިންނެވެ.

މިހާރު ރާއްޖެއަށް އެންމެ ގިނަ ފަތުރުވެރިން އަންނަމުންދަނީ ރަޝިޔާއިން ނެވެ. އެގޮތުން ރަޝިޔާއިން ވަނީ މިއަހަރުގެ މިހާތަނަށް 128،932 ފަތުރުވެރިން ރާއްޖެ އައިސްފައެވެ. ދެވަނަ އެންމެ ގިނަ ފަތުރުވެރިން އަންނަނީ އަވަށްޓެރި އިންޑިއާއިންނެވެ. އިންޑިއާއިން މިއަހަރުގެ މިހާތަނަށް ރާއްޖެއައި ފަތުރުވެރިންގެ އަދަދަކީ 89،901 ކެވެ.