ޕާޓީގެ އުސޫލުތަކާއި ހިލާފަށް، ރައީސްގެ އިސްތިއުފާއަށް ގޮވާ މެމްބަރުން ވަކިކުރަންޖެހޭ ކަމަށް އެމްޑީޕީގެ ކުރީގެ ޗެއަރޕާރސަން މޫސާ މަނިކު ވިދާޅުވެއްޖެއެވެ.
މޫސަ ކުރެއްވި ޓުވީޓެއްގައި ވިދާޅުވީ، އެމްޑީޕީގެ ޕާލަމެންޓްރީ ގްރޫޕްގައި ސަރުކާރާ އިދިކޮޅަށް ތެދުވެ ރައީސް ސާލިހުގެ އިސްތިއުފާ އަށް ގޮވާ ޕާޓީގެ އުސޫލުތަކާ ހިލާފުވާ މެމްބަރުން ވަގުތުން ޕާޓީން ވަކިކުރަންޖެހޭ ކަމަށެވެ. މޫސާ މަނިކު މިހެން ވިދާޅުވީ ރައީސް ސޯލިހްގެ ކިބައިގައި ވެރިކަން ކުރެއްވުމުގެ ގަޓެއް ނެތް ކަމަށް ވިދާޅުވެ ކެބިނެޓް އުވާލާ މަގާމުން އިސްތިއުފާ ދެއްވުމަށް އެމްޑީޕީގެ މާފަންނު މެދު ދާއިރާގެ މެންބަރު އިބްރާހިމް ރަޝީދު ބޮންޑާ ގޮވާލުމާ ގުޅިގެންނެވެ.
މޫސަ ވިދާޅުވީ މީގެ ކުރިން ޕާޓީގެ އުސޫލާ ހިލާފުވި މެމްބަރުންނާ މެދު އަމަލުކޮށްފައި ހުރީ އެ އުސޫލުން ކަމަށާއި މިކަން ނުކޮށްފިނަމަ އިންސާފާ ހަމައިން ނެއްޓި އެމްޑީޕީ ހަލާކުވާނެ ކަމަށެވެ.
މޫސަގެ އިތުރު ޓުވިޓެއްގައި ވިދާޅުވީ 18ވަނަ މަޖްލީހުގަ ފަނޑިޔާރުންގެޤާނޫނަށް އެމްޑީޕީއިން އިސްލާހު ހުށަހަޅާފައި އެއިސްލާހާ ދެކޮޅަށް ޕާޓީގެ ބަޔަކު ތެދުވަން ޕާޓީގެރައީސް މަޖްބޫރު ކުރުމުން އެކަމާ މަޖްލީހުގާ ޚިޔާލަތަފާތުވި މެމަބަރުންނަށް ވަނީ ފިޔަވަޅުއަޅާފައި ކަމަށެވެ. އަދި މިއަދު މިވަނީ ތާރީހު އިއާދަވެފައި ކަމަށްވެސް މޫސަ ވިދާޅުވެފައިވެއެވެ.
