މި އަހަރުގެ މިހާތަނަށް ޑެންގީ، އަރިދަފުސް ރޯގާ އަދި ބޭރަށް ހިންގުން ރިޕޯޓުކުރުން މަދުވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) ހާމަކޮށްފިއެވެ.
އެޗްޕީއޭގެ ތަފާސް ހިސާބުތައް ދައްކާގޮތުން، މެއި މަހު ރިޕޯޓުކޮށްފައި ވަނީ ޑެންގީގެ އެންމެ 12 ކޭހެވެ. އަދި ނިމިދިޔަ ޖޫން މަހު އެ އަދަދު ވަނީ ހަތަކަށް ދަށްވެފައެވެ. ހެލްތް ޕްރޮޓެކްޝަން އެޖެންސީން ބުނެފައިވަނީ،
ނިމިގެންދިޔަ އަހަރުތަކާއި އަޅާބަލާއިރު މި އަހަރުގެ ފުރަތަމަ ހަމަސް ނިމުނުއިރު ޑެންގީ ޖެހިގެން ރިޕޯޓުކޮށްފައިވާ އަދަދު ވަނީ ވަރަށް ބޮޑުތަން ދަށްވެފައެވެ.
އެޗްޕީއޭއިން ބުނީ 2020 ވަނަ އަހަރާ އަޅާބަލާއިރު މި އަހަރު އަރިދަފުސް ރޯގާ ޖެހިގެން ރިޕޯޓުކުރި އަދަދު ވެސްވަނީ މަދުވެފައެވެ. އެގޮތުން މި އަހަރުގެ މެއި މަހު އަރިދަފުސް ރޯގައިގެ 12،216 ކޭސް ރިޕޯޓްކޮށްފައިވާއިރު ޖޫން މަހު ރިޕޯޓްކޮށްފައި ވަނީ އަރިދަފުސް ރޯގައިގެ 5،168 ކޭހެވެ.
